ராஜ்கிரணுக்கு உடல்நலக்குறைவு: ரசிகர்கள் வருத்தம்!

நடிகர் ராஜ்கிரணுக்கு உடல் நலக்குறைவு ஏற்பட்டதை நினைத்து அவரது ரசிகர்கள் வருத்தம் தெரிவித்து வருகின்றனர்.

நடிகர் ராஜ்கிரண் நடிப்பில் தற்போது வெளியான படம் ‘ப.பாண்டி’. இந்தப் படம் ரசிகர்களிடம் நல்ல வரவேற்பு பெற்று வருகின்றது. ராஜ்கிரணுக்கு பல்வேறு தரப்பிலிருந்து பாராட்டுக்கள் வந்த வணணம் உள்ளன. இந்நிலையில் சமீபத்தில் இவர் குறித்து வெளிவந்த செய்தி பலருக்கும் அதிர்ச்சியை ஏற்படுத்தியுள்ளது.

விஜய் டிவியில் டிடி நடத்தும் நிகழ்ச்சி ஒன்றில் ராஜ்கிரண் கலந்துக்கொள்வதாக இருந்ததாம். ஆனால், கடைசி நேரத்தில் என்ன ஆனது என்று தெரியவில்லை, அவர் அந்த நிகழ்ச்சியில் கலந்துக்கொள்ளவில்லை. இதுக்குறித்து விசாரிக்கையில் அவருக்கு உடல்நிலை முடியாமல் ஆனது, அதனால் தான் பங்கேற்க முடியவில்லை என்று கூறப்படுகின்றது. இந்தச் செய்தியை அறிந்த ரசிகர்கள் மிகுந்த மன வருத்தத்தில் இருக்கின்றனர்.