RRR Bheem Teaser: மாஸாக வந்த பீம், இன்னொரு பாகுபலினு கொண்டாடும் ரசிகர்கள்: ராஜமவுலிக்கு ஒரு ஹிட் பார்சல்

ராம் சரண் தேஜா, ஜூனியர் என்.டி.ஆர்., பாலிவுட் நடிகை ஆலியா பட் உள்ளிட்டோர் நடித்து வரும் படம் ஆர்.ஆர். ஆர். பாகுபலி 2 படத்தை அடுத்து ராஜமவுலி இயக்கும் படம் என்பதால் பெரும் எதிர்பார்ப்பு உள்ளது. ஆர்.ஆர்.ஆர். படம் தெலுங்கு, தமிழ், இந்தி, மலையாளம், கன்னடம் ஆகிய 5 மொழிகளில் வெளியாக உள்ளது.

இந்நிலையில் ஆர்.ஆர்.ஆர். படத்தில் வரும் ஜூனியர் என்.டி.ஆரின் கதாபாத்திரமான பீம் இன்று அறிமுகம் செய்து வைக்கப்பட்டுள்ளது. பீம் கதாபாத்திர டீஸரை ராம் சரண் தேஜா வெளியிட்டுள்ளார். வீடியோவை பார்த்த ரசிகர்களால் அமைதியாக இருக்க முடியவில்லை.
பீம் கதாபாத்திர வீடியோவை பார்த்த ரசிகர்கள் கூறியிருப்பதாவது,

ஜூனியர் என்.டி.ஆர். மாஸாக இருக்கிறார். பாகுபலி படம் பார்க்கும் ஃபீலிங் வருகிறது. ஆர்.ஆர்.ஆர். படம் நிச்சயம் பாகுபலி அளவுக்கு இருக்கும் என்று தெரிகிறது. ராஜமவுலிக்கு மீண்டும் ஒரு ஹிட் பார்சல்.

அவரால் மட்டும் எப்படி இது போன்ற அருமையான படங்களை எடுக்க முடிகிறது. ஆர்.ஆர்.ஆர்.படத்திற்காக மரண வெயிட்டிங். புல்லரிக்கிறது என்று தெரிவித்துள்ளனர்.

சமூக வலைதளங்கள் பக்கம் சென்றாலே பீம் பற்றி தான் ரசிகர்களும், திரையுலகை சேர்ந்தவர்களும் பேசிக் கொண்டிருக்கிறார்கள். ஆர்.ஆர்.ஆர். படத்திற்காக ஜூனியர் என்.டி.ஆர். ஒர்க்அவுட் செய்து தன் உடலை கும்மென்று ஆக்கினார். வீடியோவை பார்த்தவர்களோ, ஜூனியர் என்.டி.ஆர். பட்ட கஷ்டம் எல்லாம் வீண் போகவில்லை.

இது அவர் கெரியரில் மறக்க முடியாத படமாக இருக்கும் என்கிறார்கள். ராஜமவுலியின் படத்தில் நடிக்க வேண்டும் என்றால் மொத்தமாக கால்ஷீட் கொடுக்க வேண்டும். அப்படி ராம் சரணும், ஜூனியர் என்.டி.ஆரும் கால்ஷீட் கொடுத்ததன் பலன் இந்த வீடியோவில் தெரிகிறது என்கிறார்கள் ரசிகர்கள்.

நான் பாஜகவில் சேர்கிறேனா?: உண்மையை சொன்ன வடிவேலு