8 நிமிடத்திற்காக ரூ.54 கோடியை செலவு செய்த ராம் சரண்!

சுதந்திர போராட்ட வீரர் உய்யாலவாட நரசிம்ம ரெட்டியின் வாழ்க்கை வரலாறை மையமாக வைத்து ‘சைரா நரசிம்ம ரெட்டி' படம் தயாராகிறது. நரசிம்ம ரெட்டி கேரக்டரில் நடிகர் சிரஞ்சீவி நடிக்கிறார்.

கதாநாயகியாக நடிகை நயன்தாரா நடிக்கிறார். இந்தப் படம் தமிழ், தெலுங்கில் என இரு மொழிகளில் தயாராகி வருகிறது. இது சிரஞ்சீவியின் 151வது படம். இந்தப் படத்தை சுரேந்தர் இயக்கி வருகிறார்.

இந்தப் படத்தில் நடிகர்கள் அமிதாப் பச்சன், விஜய் சேதுபதி ஆகியோர் முக்கிய கேரக்டரில் நடிக்கின்றனர்.

இந்தப் படத்தின் படப்பிடிப்பு தற்போது விறுவிறுப்பாக நடக்கிறது. இந்தப் படத்தை சிரஞ்சீவியின் மகன் ராம் சரண் ரூ.200 கோடி செலவில் தயாரித்து வருகிறார்.

இந்தப் படத்தில் இடம்பெறும் சண்டை காட்சிக்காக அதிகளவில் செலவிட்டு வருகின்றனர். படத்தில் 8 நிமிடம் இடம்பெறும் போர்க்கள யுத்த காட்சிகள் உள்ளன. இவை படத்தின் பிரதான காட்சிகளாக கருதப்படுகின்றன. இந்த 8 நிமிட போர்க்கள காட்சியை படமாக்க ரூ.54 கோடி செலவிட்டு இருப்பதாக தகவல் வெளியாகி உள்ளது.

Ram Charan spends Rs.54 crores for 8 minutes.