பைக்கில் டிரிபில் ரைட் போன இயக்குனர் ராம்கோபால் வர்மா- அபராதம் விதித்த போலீசார்!

தெலுங்கு திரைப்பட இயக்குனர் ராம்கோபால் வர்மா பைக் மீது டிரிபில் ரைடிங் செய்ததாக 1,325 ரூபாய் அபராதம் விதித்த ஐதராபாத் போலீசார்

பிரபல தெலுங்கு திரைப்பட இயக்குனர் ராம் கோபால் வர்மா பூரி ஜெகன்நாத் இயக்கத்தில் ராம் நடிப்பில் வெளியாகி உள்ள ஸ்மார்ட் சங்கர் திரைப்படத்தை காண ஹைதராபாத்தில் உள்ள ஸ்ரீராமுலு திரையரங்கிற்கு அஜய் பூபதி, அகசியா ஆகியோருடன் பைக்கில் ஹெல்மெட் இல்லாமல் ட்ரிபில் டிரைவிங் செய்து வந்தார்.

அத்துடன் ’திரையரங்கில் இருந்தபடி ட்ரிபிள் ரைடிங் வந்துள்ளோம். போலீசார் எங்கு சென்றார்கள்’ என தனது ட்விட்டர் பக்கத்தில் புகைப்படத்துடன் பதிவு செய்தார். இதை அடுத்து ஹைதராபாத் போக்குவரத்து காவல் நிலைய போலீசார் ட்ரிபிள் ரைடிங் வந்ததற்காக 1,200 ரூபாயும், ஹெல்மெட் அணியாமல் இருசக்கர வாகனத்தை ஓட்டியதற்காக 200 ரூபாய் மற்றும் யூசர் சார்ஜ் சேர்த்து 1,335 ரூபாய் அபராதமாக ராம்கோபால் வர்மாவுக்கு விதித்தனர்.

இதையடுத்து ராம் கோபால் வர்மா டுவிட்டரில் பதிவு செய்த படத்தை வெப்சைட்டில் போலீசார் வைத்துள்ளனர். ராம்கோபால் வர்மா ட்ரிப்பிள் ரைடிங் செய்த பைக் திலீப் குமார் என்பவர் பெயரில் இருப்பதாக போலீசார் தெரிவித்துள்ளனர்.

இது மட்டுமல்லாமல் ஸ்மார்ட் சங்கர் திரைப்பட வெற்றி விழா ஐதராபாத்தில் ஒரு பப்பில் நடைபெற்றபோது, இயக்குனர் பூரி ஜெகன்நாத், மற்று நடிகர் நடிகைகளுடன் ராம்கோபால்வர்மா பீர் பாட்டில் பிடித்தபடி தன் மீதும் ஊற்றி கொண்டாடும் வீடியோவையும் தனது சமூக வலைத்தளத்தில் பதிவு செய்து பரபரப்பை ஏற்படுத்தியுள்ளார்.

இவை அனைத்தும் ஸ்மார்ட் சங்கர் பட விளம்பரத்திற்காகவே ராம்கோபால்வர்மா செய்து இருப்பதாக குற்றச்சாட்டுகள் எழுந்துள்ளது.