பாகுபலி படத்திற்கு ராஜமௌலியின் மனைவி ராமா அப்படி என்ன செய்துவிட்டார்!!

பாகுபலியின் பிரம்மாண்டத்திற்கு பின்னே இயக்குனர் ராஜமௌலி மட்டுமே இருக்கிறார் என்று நாம் நினைத்துக் கொண்டு இருக்க அவருக்கு இணையாக அவரது மனைவி ராமாவும் இந்தப் படத்திற்காக கடுமையாக உழைத்து தனக்குரிய பணியை செய்து முடித்துள்ளார்.

பாகுபலி கதை கற்பனை கலந்த கதாபாத்திரங்களைக் கொண்டது. இந்தக் கதையின் குந்தல ராஜ்ஜியம் என்பதும் ஒரு கற்பனைதான். இந்த குந்தல ராஜ்ஜியத்தில் வசிக்கும் மகிழ்மதி மற்றும் தேவசேனை எப்படி இருக்க வேண்டும் என்று கற்பனை செய்துபார்த்து அவர்கள் உடுத்தும் ஆடை இப்படித்தான் இருக்கும் என்று ராஜமௌலியின் மனைவி ராமா முடிவு செய்து வடிவமைத்துள்ளார்.

இந்த ஆடை வடிவமைப்பு ஒன்றும் எளிதானது அல்ல. மிகவும் கடினமானது. ஆடைகளை இவர்கள் கடையில் இருந்து ரெடிமேடாக எடுக்கவில்லை. இவர்களே காட்டன் துணிகளை கடைகளில் வாங்கி முக்கிய நட்சத்திரங்களுக்கு மட்டுமின்றி, படத்தில் நடித்த ஆயிரக்கணக்கான ராணுவ வீரர்களுக்கும் ஆடையை இவர்களே தைத்துள்ளனர். இதற்காக நரேன்பேட், மங்கலகிரி ஆகிய இரண்டு கிராமத்தினர் கடந்த 5 ஆண்டுகளாக ஆடைகளை தைத்துக் கொடுத்துள்ளனர்.

ஆடைகள் தவிர போர் கவசங்கள், தலை கவசம், காலனிகள் மற்றும் அணிகலன்கள் ஆகியவற்றையும் உருவாக்கியுள்ளனர். போர் கவசங்களை கோணிதுணிகளை கொண்டு உருவாக்கி அதன் மேல் பல வண்ணங்களை பூசி நிஜமான கவசங்கள், ஆயுதங்கள் போல் உருவாக்கியுள்ளனர். பாகுபலி இரண்டு பாகங்களுக்காக கடந்த 5 ஆண்டுகளாக கடுமையாக உழைத்துள்ளனர். காலை 6 மணிக்கு துவங்கி இரவு 9 மணி வரை பணியாற்றி உள்ளனர். காட்சிகளில், ஆடைகளில் சிறிய குறைகள் இருந்தாலும். உடனே அதை அடையாளம் கண்டு ராமர் நிவர்த்தி செய்துள்ளார். அதனால்தான் ஒவ்வொரு காட்சிகளும் நேர்த்தியாக வந்துள்ளது என்று கூறுகின்றனர். இந்தப் படம் பற்றி ராமா கூறுகையில், ''நாங்கள் 5 ஆண்டுகளாக மகிழ்மதி மற்றும் குந்தல ராஜ்ஜியத்தில் வசித்து வந்தோம்'' என்ற பெருமையுடன் கூறுகிறார். தலைமை ஆடை வடிவமைப்பாளர் கே.கிருஷ்ணாவுடன் இணைந்து கடுமையாக ராமாவும் உழைத்துள்ளார்.
Rama Rajamouli behind Baahubali film