பாகிஸ்தான் கிரிக்கெட் வீரர் தயாரிப்பில் நடிக்கும் சஞ்சய் தத்..!

பாகிஸ்தான் கிரிக்கெட் அணியின் முன்னாள் வீரர் ரமீஸ் ராஜா தயாரிக்கும் படத்தில் நடிகர் சஞ்சய் தத் நடிக்கவுள்ளார்.

பாலிவுட் நடிகர் சஞ்சய் தத், சிறைவாசத்திற்கு பிறகு மீண்டும் சினிமாவில் பிஸியாக தொடங்கியுள்ளார். தற்போது அவர் ’பூமி’ என்ற படத்தில் நடிக்க இருக்கிறார். இதுதவிர இரண்டு - மூன்று படங்களில் கமிட்டாகியிருக்கிறார். இந்நிலையில் பாகிஸ்தான் முன்னாள் கிரிக்கெட் வீரரான ரமீஸ் ராஜா சினிமாவில் களம் இறங்க உள்ளார். அவர் ஒரு படத்தை தயாரிக்க உள்ளார்.

இதில் சஞ்சய் தத் தான் ஹீரோவாக நடிக்கிறார்.இதுப்பற்றி ரமீஸ் ராஜா கூறுகையில், ”எனது படத்தில் சஞ்சய் தத் நடிக்கிறார். சஸ்பென்ஸ் நிறைந்த ஆக்ஷன் படமாக உருவாக உள்ளது. இன்னும் ஹீரோயின் முடிவாகவில்லை. மகிரா கான், கத்ரீனா கைப் போன்ற ஹீரோயின்களிடம் நடிக்க பேச்சுவார்த்தை நடந்து வருகிறது, முடிவானதும் விரைவில் அறிவிக்கப்படும் என்று கூறியுள்ளார்.

Ramiz Raja is making a film about cricket and it will star Sanjay Dutt