புதுமுக ஹீரோக்களுக்கு ஜோடியாக நடிக்க ரம்யா நம்பீசன் விருப்பம்!

தமிழின் மாஸ் ஹீரோக்களான விஜய், அஜீத் போன்றவர்கள் தங்கள் வயதுக்கு ஏற்ற மாதிரியான கேரக்டரை தேர்வு செய்து நடித்து வருகின்றனர். அவர்கள் ஹீரோவாக நடித்தாலும் ஒரு சில படங்களில் குழந்தைக்கு தந்தையாகவும் நடிக்கின்றனர்.

அவர்களுக்கு ஜோடியாக நடிகைகளும் தானாகவே அம்மாவாக நடிக்க வேண்டிய சூழல் ஏற்படுகிறது. அப்படியாக வெளியான ‘விஸ்வாசம்’ படத்தில் நடிகை நயன்தாரா ஒரு குழந்தைக்குஅம்மாவாக நடித்திருந்தார். அதேபோல் ‘தெறி’ படத்தில் நடிகை சமந்தா ஒரு குழந்தைககு அம்மாவாக நடித்திருந்தார்.

அப்படிப்பட்ட கேரக்டரில் நடிக்க நடிகை ரம்யா நம்பீசனுக்கு விருப்பம் இல்லையாம். ஆகையால் அவர் புது யுக்தியை கையாண்டுள்ளார். இளம் ஹீரோ, புதுமுகங்களுக்கு ஜோடியாக நடிப்பதே அதன் யுக்தியாம். இதில் காதலியாக நடிக்கும் கதாபாத்திரங்களே அதிகம் வருகிறது. அம்மா கதாபாத்திரம் என்பதற்கான வாய்ப்பு இல்லை.

சமீபத்தில் வெளியான ‘நட்புன்னா என்னன்னு தெரியுமா’ படத்தில் இளம் ஹீரோ கவின் காதலியாக ரம்யா நம்பீஸன் நடித்தார். அதுவும் நெருக்கமான காட்சிகளிலும், முத்தக்காட்சியிலும் நடித்தார். இளம் ஹீரோக்களுடன் நடிப்பதுபற்றி கேட்ட போது, ’எனக்கு மார்க்கெட் பற்றி கவலை இல்லை.

புதுமுகங்கள், இளம் ஹீரோக்களுடன் ஜோடியாக நடிக்க ஒப்புக்கொள்கிறேன். அம்மாவாக நடிப்பதைவிட இது எவ்வளவோ மேல். தற்போது விஜய் ஆண்டனியின் ‘தமிழரசன்’ என்ற படத்தில் நடித்து வருகிறேன் என்றார்.