‘குப்பத்து ராஜா’ படத்தில் பாடும் ரம்யா நம்பீசன்!

ஜி.வி.பிரகாஷ் இசையமைக்கும் ‘குப்பத்து ராஜா’ படத்தில் நடிகை ரம்ய நம்பீசன் ஒரு பாடலை பாடியுள்ளார்.

மலையாளத்திலும், தமிழிலும் ஏராளமான பாடல்கள் பாடியிருப்பவர் நடிகை ரம்யா நம்பீசன். மேலும் இவர் பல படங்களில் நடித்து வருகிறார். இப்போது சிபிராஜுக்கு ஜோடியாக ‘சத்யா’ படத்தில் நடித்து வருகிறார்.

இந்நிலையில், டான்ஸ் மாஸ்டர் பாபா பாஸ்கர் இயக்கத்தில், ஜி.வி. பிரகாஷ் இசையமைப்பில் உருவாகும் ‘குப்பத்து ராஜா’ படத்துக்காக ஒரு பாடலை பாடியுள்ளார். இந்த படத்தில் ஜி.வி.பிரகாஷ் ஹீரோவாக நடிக்கிறார். முக்கிய வேடத்தில் பார்த்திபன் நடிக்க உள்ளார்.

மும்பையில் மாடலாக திகழ்ந்து வரும் பாலக் லால்வானி ‘அப்பாயிதோ அம்மாயி’ என்ற தெலுங்கு திரைப்படத்தின் மூலம் சினிமாவுக்கு வந்தவர். ‘குப்பத்து ராஜா’ மூலம் இப்போது தமிழிலும் அறிமுகமாகிறார். ‘குப்பத்து ராஜா’ சேரி பகுதியில் நடக்கும் கதை என்பதால் இப்படத்திற்காக சேரியை போன்ற செட் அமைத்து காட்சிகளை படமாக்கி வருகிறார் பாபா சங்கர். இந்த படத்தில் இன்னொரு நாயகியாக, ஆங்கிலோ இந்திய பெண்ணாக பூனம் பஜ்வாவும் நடிக்கிறார்.