குடும்பத்தினர் மட்டும் கலந்துகொண்ட ராணா - மிஹிகா திருமணம்: வைரல் புகைப்படங்கள்

தெலுங்கு சினிமாவின் முன்னணி நடிகர் ராணா மற்றும் மிஹிகா திருமணம் சற்றுமுன் நடைபெற்று முடிந்துள்ளது. இதில் மிக நெருக்கமான குடும்ப உறுப்பினர்கள் மற்றும் நண்பர்கள் மட்டுமே கலந்து கொண்டனர்.

அதன் புகைப்படங்களை தான் தற்போது இணையத்தில் மிக வேகமாக வைரலாகி வருகின்றது. கொரோனா காரணமாக அதிக அளவு விருந்தினர்களை அழைக்க முடியாத சூழ்நிலை ஏற்பட்டதால் முழு திருமண விழாவை யூடியூப் மூலமாக வி ஆர் தொழில்நுட்பத்தில் ஒளிபரப்பு செய்திருக்கிறார்கள். அதனை பிரபலங்கள் பலரும் வீட்டிலிருந்தே பார்த்து ரசித்து இருக்கிறார்கள். நடிகர் நானி திருமண நிகழ்வை VR மூலமாக பார்த்துக் கொண்டிருக்கும் புகைப்படம் ஒன்றை பதிவிட்டு ட்விட்டரில் வாழ்த்து கூறியிருந்தார்.


இந்த திருமண விழாவில் ராணாவின் குடும்பத்தினர் மற்றும் நடிகை சமந்தா மற்றும் அவரது கணவர் நாக சைதன்யா ஆகியோர் கலந்து கொண்டனர். நடிகர் ராம் சரண் அவரது மனைவியுடன் திருமண நிகழ்வில் பங்கேற்று இருக்கிறார். ராணா மற்றும் மிஹிகாவுடன் அவர்கள் எடுத்த புகைப்படம் தற்போது வைரல் ஆகியுள்ளது. "இறுதியாக என்னுடைய Hulk-கிற்கு திருமணம் முடிந்து விட்டது. இருவரும் மகிழ்ச்சியாக இருக்க வாழ்த்துக்கள்" என ராம் சரண் ராணாவுக்கு இன்ஸ்டாகிராமில் நெகிழ்ச்சியாக வாழ்த்து கூறி இருக்கிறார்.


கொரோனா பிரச்சனை இல்லாமல் இருந்திருந்தால் தெலுங்கு சினிமா துறையில் மிகப் பெரிய திருமண நிகழ்வாக இது இருந்திருக்கும். ஆனால் மிகக் குறைந்த அளவு விருந்தினர்களை மட்டுமே அழைக்க முடியும் என்கிற சூழ்நிலை இருப்பதால், மிக நெருக்கமானவர்கள் மட்டுமே விழாவுக்கு வந்திருந்தனர். மற்றவர்கள் அனைவரும் வீட்டில் இருந்தே ஆன்லைன் மூலமாக திருமணத்தைப் பார்த்து மணமக்களை வாழ்த்தி இருக்கிறார்கள்.

மேலும் ராணாவின் குடும்ப உறுப்பினர்கள் அனைவரும் இருக்கும் திருமண புகைப்படம் ஒன்று வெளிவந்திருக்கிறது இதோ..


மேலும் திருமணத்திற்காக மிக சிறப்பான ஏற்பாடுகளை செய்திருக்கிறார்கள். இது மழை காலம் என்பதால் மழை பெய்தாலும் திருமணம் பாதிப்பு ஏற்பட கூடாது என்பதற்காக அவர்கள் அந்த இடம் முழுவதும் உருவாக்கி இருக்கிறார்கள். மணப்பெண் மிஹீகா மற்றும் அவரது தயார் ஈவென்ட் மேனேஜ்மென்ட் பணி தான் செய்து வருகிறார்கள் என்பது குறிப்பிடத்தக்கது.

இந்த திருமணம் பற்றி பேசி இருந்த மிஹிகாவின் அம்மா பண்டி பஜாஜ் பேசும்போது, "ஒவ்வொரு பெண்ணும் அவரது திருமணம் பரபெக்ட்டாக இருக்க வேண்டும் என்று தான் விரும்புவார். மிஹிகாவுக்கும் அப்படி தான் இருக்க வேண்டும் என நான் விரும்புகிறேன். அதனால் இந்த நாளை ஸ்பெஷல் ஆக்க தேவையான அனைத்தையும் நான் செய்வேன்" என கூறி இருந்தார்.

திருமண விழாவில் மிஹிகா பஜாஜ் அணியவுள்ள லெஹன்கா உடையை பிரபல டிசைனர் அனாமிகா கண்ணா தான் வடிவமைத்து இருக்கிறார். மிக பெரிய அளவில் பேசப்பட்டு வரும் இந்த திருமண நிகழ்வுகாக அவர் உருவாகியுள்ள உடை கிட்டத்தட்ட 10,000 man-hours உழைப்பில் தான் உருவாகி இருக்கிறது என கூறி இருக்கிறார்.

அவர் கூறியது போலவே திருமண நிகழ்வில் மிஹிகா அணிந்திருந்த உடை பிரம்மாண்டமாக இருந்ததாக ரசிகர்கள் கூறி வருகிறார்கள் என்பது குறிப்பிடத்தக்கது.