ஆடை விளம்பர சர்ச்சை! மன்னிப்பு கேட்ட பிரபல நடிகர்!!

பாலிவுட்டின் புகழ்பெற்ற நடிகரான ரன்வீர் சிங் சமீபத்தில் டென்மார்க்கை சேர்ந்த ஆடை நிறுவனம் ஒன்றின் விளம்பர படம் ஒன்றில் நடித்திருந்தார். அதில் அலுவலகத்திற்கு வேலைக்கு வரும் பெண்ணை ரன்வீர் தோளில் தூக்கி சுமந்திருப்பது போல் உள்ளது. மேலும் “காத்திருக்க வேண்டாம், வேலையை வீட்டிற்கு கொண்டு செல்லுங்கள்” என்ற வாசகமும் இடம் பெற்றுள்ளது. இந்த விளம்பரம் சமூக ஆர்வலர்கள் மத்தியில் பெரும் சர்ச்சையை ஏற்படுத்தியுள்ளது. பிரபலங்கள் பலரும் எதிர்ப்பு தெரிவித்து வருகின்றனர்.

இது குறித்து நடிகர் ரன்வீர் சிங் மன்னிப்பு கேட்டுள்ளார். பெண்களை இழிவுபடுத்தும் நோக்கத்தில் இந்த விளம்பர படத்தில் நடிக்கவில்லை என்றும், நாங்கள் ஒன்று சொல்ல நினைக்க, அது வேறு மாதிரி ஆகிவிட்டது என்றும் ரன்வீர் கருத்து தெரிவித்துள்ளார். அதற்காக வருத்தம் தெரிவித்துக்கொள்கிறேன், மன்னிப்பு கேட்டுக்கொள்கிறேன் என்று கூறியுள்ளார். இந்த விளம்பரத்திற்கு எதிர்ப்பு வந்த உடனேயே பல பகுதிகளில் இருந்த பேனர்களை அகற்றியுள்ளனர். சினிமாவிலும் சரி, நிஜ வாழ்விலும் சரி பெண்களை எப்போதும் மதிப்பேன் என்றும், அவர்களை அவமதிக்கும் வகையில் ஒரு போதும் நடந்துகொள்ள மாட்டேன் என்றும் நடிகர் ரன்வீர் கூறியுள்ளார்.