முதல் தமிழ் படம் ‘சுல்தான்’ எப்போது ரிலீஸ்? ரஷ்மிகா கூறிய பதில்

நடிகை ரஷ்மிகா மந்தனாவுக்கு தமிழ்நாட்டில் ஏராளமான ரசிகர்கள் உள்ளனர். தற்போது வரை அவர் நடிப்பில் ஒரு தமிழ் படம் கூட ரிலீஸ் ஆகவில்லை என்பது குறிப்பிடத்தக்கது.

தெலுங்கில் அவர் நடித்த கீதா கோவிந்தம் படத்தில் வரும் "இன்கம் இன்கம் இன்கம் காவாலே.." பாடல் டீஸர் வெளியானபோது அது மிகப்பெரிய அளவில் ஹிட் ஆனது. தமிழ் ரசிகர்களும் அப்போது அந்த பாடலை அதிகம் ரசித்தனர். சமூக வலைத்தளங்கள் மற்றும் வாட்சப் ஸ்டேட்டஸில் என அனைத்து இடங்களிலும் ரஷ்மிகா தான் ட்ரெண்டாக இருந்தார்.

அவர் எப்போது தமிழ் சினிமாவில் நடிப்பார் என காத்திருக்கும் ரசிகர்கள் ஏராளம். தற்போது கார்த்தி ஜோடியாக சுல்தான் என்ற தமிழ் படத்தில் நடித்துள்ளார் ரஷ்மிகா மந்தனா.

இன்ஸ்டாகிராமில் ரசிகர் ஒருவர் "நீங்கள் எப்போது தமிழ் படத்தில் நடிப்பீர்கள். நாங்கள் ஆவலுடன் காத்திருக்கிறோம்" கேட்ட கேள்விக்கு ரஷ்மிகா பதில் அளித்துள்ளார்.

"நான் ஏற்கனவே ஒரு தமிழ் படத்தில் நடித்து முடித்துவிட்டேன். அது இன்னும் ரிலீஸ் ஆகவில்லை . அது இந்த வருடம் அல்லது அடுத்த வருடம் ரிலீஸ் ஆகும் என நினைக்கிறேன். தற்போது உள்ள கொரோனா நிலைமையை பொறுத்து அது ரிலீஸ் ஆகும்" என தெரிவித்துளளார் அவர்.

ரெமோ பட புகழ் பாக்யராஜ் கண்ணன் இயக்கும் இந்த படத்தினை ட்ரீம் வாரியர் பிக்சர்ஸ் எஸ்.ஆர்.பிரபு தயாரித்து வருகிறார். ஷூட்டிங் முடிவடைந்த நிலையில் போஸ்ட் ப்ரோடக்ஷன் பணிகள் நடந்து வந்தது. அது தற்போது கொரோனா லாக்டவுன் காரணமாக நிறுத்தப்பட்டுள்ளது.

விவேக் மெர்வின் இந்த படத்திற்கு இசையமைத்து வருகின்றனர்.