Varisu: 'வாரிசு' ரிலீசுக்காக படக்குழு போட்ட மெஹா திட்டம்: உளறி கொட்டிய ராஷ்மிகா.!

'வாரிசு' ரிலீசுக்காக வெறித்தனமாக காத்திருக்கின்றனர் ரசிகர்கள். இந்தப்படத்தின் வெளியீட்டை திருவிழா போல் கொண்டாட தயாராகி வருகின்றனர் விஜய் பேன்ஸ். 'வாரிசு' படத்திற்காக புரமோஷன் வேலைகளும் படு ஜோராக நடந்து வருகிறது. இந்நிலையில் 'வாரிசு' படத்தின் ரிலீஸ் குறித்து நடிகை ராஷ்மிகா மந்தனா கொடுத்துள்ள அப்டேட் இணையத்தில் வைரலாகி வருகிறது.

வம்சி பைடிபல்லி இயக்கியுள்ள ‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்துள்ளார் .விஜய் நடிப்பில் கடைசியாக வெளியான 'பீஸ்ட்' படம் நெகட்டிவ் விமர்சனங்களை குவித்ததால், அவர் தற்போது நடித்து முடித்துள்ள 'வாரிசு' படத்தை அதிகம் எதிர்பார்த்து காத்திருக்கின்றனர் ரசிகர்கள்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்தப்படத்தில் முதன்முறையாக விஜய்யின் ஜோடியாக ராஷ்மிகா மந்தனா நடித்துள்ளார். இவர்களுடன் சரத்குமார், பிரபு, ஷாம், ஸ்ரீகாந்த், பிரகாஷ் ராஜ், குஷ்பு, எஸ்.ஜே. சூர்யா உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்துள்ளனர். தமன் இசையமைத்துள்ளார்.

அண்மையில் 'வாரிசு' படத்திற்கான இசை வெளியீட்டு விழா சென்னை நேரு உள்விளையாட்டு அரங்கில் பிரம்மாண்டமாக நடந்து முடிந்தது. விஜய் ரசிகர்கள் மாநாடு என சொல்லும் அளவிற்கு ரசிகர்கள் கூட்டத்தால் ஆரவாரமாக 'வாரிசு' படத்தின் இசை வெளியீட்டு விழா நடந்தது.

Legend Saravanan: புத்தாண்டில் நல்ல சேதி சொன்ன அண்ணாச்சி: இதுக்கு தானே இத்தனை நாளா வெயிட்டிங்.!

இந்நிலையில் தனது இன்ஸ்டாகிராம் பக்கத்தில் ரசிகர்களின் கேள்விகளுக்கு பதிலளித்த ராஷ்மிகா, 'வாரிசு' பட ரிலீஸ் குறித்து பேசியுள்ளார். அதில், 'வாரிசு' படம் வரும் ஜனவரி 11 ஆம் தேதி வெளியாகும் என்று தெரிவித்துள்ளார். 'துணிவு' படத்துடன் ஜனவரி 12 ஆம் தேதி 'வாரிசு' வெளியாகும் என எதிர்பார்க்கப்பட்ட நிலையில் ராஷ்மிகா இவ்வாறு தெரிவித்துள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது.

இரண்டு படங்களும் ஒரே நாளில் வெளியானால் வசூல் பாதிக்கப்படும் என்பதால் படக்குழு இந்த முடிவை எடுத்திருக்கலாம் என்று கூறப்படுகிறது. மேலும் 'துணிவு' படத்தின் டிரெய்லர் டிரெண்டிங்கில் கலக்கி வரும் நிலையில் 'வாரிசு' படத்தின் டிரெய்லர் இன்னும் சில தினங்களில் வெளியாகும் என எதிர்பார்க்கப்படுகிறது.

Thunivu Trailer: போடு வெடிய.. சாதனை படைத்த 'துணிவு' டிரெய்லர்: தெறிக்க விடும் ஏகே.!