இரத்தம், ரணம், ரௌத்திரம்: தமிழில் டப்பிங் பேசும் ஜூனியர் என்டிஆர்

ராஜமௌலி இயக்கத்தில் உருவாகி வரும் RRR படத்தின் மோஷன் போஸ்டர் சமீபத்தில் வெளியிடப்பட்டது. அது இணையத்தில் ரசிகர்கள் மத்தியில் பிரமாண்ட வரவேற்பை பெற்றுள்ளது. நடிகர் ஜூனியர் என்டிஆர் மற்றும் ராம் சரண் ஆகியோர் முக்கிய வேடத்தில் RRR படத்தில் நடித்து வருகின்றனர்.

ஒருவரது கதாபாத்திரம் நீர் போலவும், மற்றொருவரது கதாபாத்திரம் நெருப்பு போலவும் வடிவமைக்கப்பட்டிருப்பதாக இயக்குனர் ராஜமௌலி தெரிவித்திருந்தார்.

தெலுங்கு மட்டுமின்றி தமிழ், மலையாளம், ஹிந்தி மற்றும் கன்னடம் ஆகிய மொழிகளில் டப் செய்து வெளியிடப்படுகிறது RRR படம்.

தமிழில் "இரத்தம், ரணம், ரௌத்திரம்" என படத்திற்கு பெயரிட்டுள்ளனர். தெலுங்கு மட்டுமின்றி தமிழிலும் நடிகர் என்டிஆர் டப்பிங் பேசவுள்ளார் என தகவல் வெளிவந்துள்ளது.

ராஜமௌலியின் முந்தைய படங்கள் நான் ஈ, பாகுபலி போன்ற படங்கள் தமிழில் மிகப்பெரிய ஹிட் ஆனது குறிப்பிடத்தக்கது.

பாலிவுட் நடிகை ஆலியா பட் இந்த படத்தில் ஒரு முக்கிய ரோலில் நடித்து வருகிறார். அவர் திடீரென வெளியேறிவிட்டார் என சில நாட்களுக்கு முன்பு செய்திகள் பரவியது. ஆனால் அது பொய் என நிரூபிக்கும் வகையில் ஆலியா பட் RRR மோஷன் போஸ்ட்டரை சமூக வலைத்தளங்களில் பகிர்ந்திருந்தார்.