மாஸ்டர் ஹீரோயின் மாளவிகா மோகனனுக்கு டப்பிங் பேசிய பிரபல நடிகை! யார்னு பாருங்க

லோகேஷ் கனகராஜின் மாஸ்டர் படத்தை தான் தற்போது தமிழ் சினிமாவில் அனைவரும் எதிர்பார்த்து காத்திருக்கின்றனர். ஏப்ரல் 9ம் தேதி ரிலீஸ் ஆகியிருக்கவேண்டிய மாஸ்டர் கொரோனா லாக்டவுன் காரணமாக தள்ளி வைக்கப்பட்டுள்ளது.

விஜய் கல்லூரி பேராசியராக நடிக்க அவருக்கு ஜோடியாக மாளவிகா மோகனன் நடித்துள்ளார். அவரும் கல்லூரி பேராசியராகத்தான் நடிக்கிறார். மேலும் சாந்தனு, ஆண்ட்ரியா உள்ளிட்டோர் முக்கிய வேடத்தில் நடிக்க, வில்லனாக விஜய் சேதுபதி மற்றும் அர்ஜுன் தாஸ் ஆகியோர் நடித்துள்ளனர்.

மாளவிகா மோகனனுக்கு இது இரண்டாவது தமிழ் படம். இதற்கு முன்பு ரஜினியின் பேட்ட படத்தில் சசிகுமார் ஜோடியாக நடித்திருந்தார் அவர். கார்த்திக் சுப்புராஜ் இயக்கிய அந்த படத்தில் மாளவிகாவுக்கு நடிப்பில் ஜொலிக்க அதிக வாய்ப்பு கிடைக்கவில்லை. மாஸ்டர் படத்தில் அவருக்கு அந்த குறை இருக்காது என எதிர்பார்க்கலாம்.

மாஸ்டரில் மளவிகாவுக்கு பிரபல நடிகை ஒருவர் தான் டப்பிங் பேசி உள்ளார். ஒரு கிடாயின் கருணை மனு படத்தில் ஹீரோயினாக நடித்திருந்த ரவீனா ரவி தான் மளவிகாவுக்காக மாஸ்டரில் டப்பிங் பேசியுள்ளார்.

அவர் நடிக்க வரும் முன்பே பல முன்னணி ஹீரோயின்களுக்காக டப்பிங் பேசியுள்ளார் என்பது குறிப்பிடத்தக்கது. அவரது அம்மா ஸ்ரீஜா ரவியும் ஒரு முன்னணி டப்பிங் ஆர்ட்டிஸ்ட் என்பது குறிப்பிடத்தக்கது.