அதிதி ஷங்கர்
முத்தையா இயக்கத்தில் கார்த்தி நடிப்பில் வெளியாகி வெற்றி நடை போட்டு வரும் படம் விருமன். இந்தப் படத்தில் இயக்குநர் ஷங்கரின் மகள் அதிதி ஷங்கர் ஹீரோயினாக நடித்துள்ளார். இந்தப் படத்தின் மூலம் தமிழ் சினிமாவுக்கு ஹீரோயினாகவும் பாடகியாகவும் அறிமுகமாகியுள்ளார் அதிதி.
காதலிக்கிறேன்
இந்நிலையில் விருமன் படத்தின் முதல் நாள் முதல் காட்சியை பார்த்த பிரபல நடிகரான கூல் சுரேஷ். அதிதி ஷங்கரை தான் காதலிப்பதாக கூறினார். இயக்குநர் ஷங்கரிடம் உங்கள் மகளை நான் காதலிக்கிறேன் என்னை மருமகனாக ஏற்றுக்கொள்ளுங்கள் என்றார்.
கிளம்பிய எதிர்ப்பு
இல்லாவிட்டால் கமிஷனர் அலுவலகத்தில் மனு கொடுப்பேன், முதல்வர் வீட்டின் முன்பு உண்ணாவிரதம் இருப்பேன் என கூறி பரபரப்பை கிளப்பினார். கூல் சுரேஷின் இந்த வீடியோ சமூக வலைதளங்களில் பெரும் வைரலானது. அவரது பேச்சுக்கு சமூக வலைதளங்களில் எதிர்ப்புகளும் கிளம்பியது.
பள்ளி காதலி ஞாபகம்
இந்நிலையில் அதிதி ஷங்கர் தனக்கு தங்கை மாதிரி என கூறி அந்தர் பல்டி அடித்தார் கூல் சுரேஷ். தான் அப்படி பேசியது தவறுதான் என்றும் தனது பேச்சை வாபஸ் பெறுவதாகவும் கூறினார். விருமன் படத்தை பார்த்ததும் தனது பள்ளிக்கூட காதலியின் ஞாபகம் வந்துவிட்டது. அதனால் உணர்ச்சி வசப்பட்டுவிட்டதாக கூறினார்.
கூல் சுரேஷ் மன்னிப்பு
மேலும் ஷங்கரிடமும் அதிதியிடமும் மன்னிப்பு கேட்ட கூல் சுரேஷ், உங்களின் மனதை காயப்படுத்தும் அளவுக்கு நான் பெரிய ஆள் இல்லை என்றும் கூறினார். இதனைக் கேட்ட ரசிகர்கள், அடி பலமோ அந்தர் பல்டி அடித்து விட்டீர்கள் என சமூக வலைதளங்களில் கமெண்ட் பதிவிட்டு வந்தனர்.
Koushik: கௌஷிக்கின் கடைசி வாட்ஸ் அப் ஸ்டேட்டஸ்... கலங்கும் நெட்டிசன்கள்!
ஷங்கர் கோபம்
இந்நிலையில் கூல் சுரேஷின் இந்த திடீர் மாற்றத்திற்கான காரணம் வெளியாகியுள்ளது. அதாவது அதிதியை காதலிப்பதாக கூல் சுரேஷ் பேசியது இயக்குநர் ஷங்கர் தரப்பிற்கு கடும் கோபத்தை ஏற்படுத்தியதாக தெரிகிறது. இதனால் கூல் சுரேஷை அழைத்து ஷங்கர் விளாசியதாகவும் தனது பேச்சை திரும்ப பெறுமாறு கூறியதாகவும் கூறப்படுகிறது.
ஷங்கர் வார்னிங்
தனது பேச்சை வாபஸ் வாங்காவிட்டால் சட்டப்படி வரும் பிரச்சனைகளை சந்திக்க வேண்டும் என எச்சரித்ததாகவும் கூறப்படுகிறது. இதையடுத்தே கூல் சுரேஷ் திடீரென அதிதியை தங்கை என கூறி மன்னிப்பு கேட்டுள்ளார். கூல் சுரேஷின் இந்த வீடியோவும் தற்போது வைரலாகி வருகிறது.