இறுதிக்கட்ட படப்பிடிப்பில் 'றெக்க'

சென்னை: விஜய் சேதுபதி முதன் முறையாக லக்ஷ்மி மேனனுடன் ஜோடி சேர்ந்து நடிக்கவிருக்கும் 'றெக்க' படத்தின் இறுதிக்கட்ட படப்பிடிப்பு பாங்காக்கில் நடைபெறவுள்ளது.

விஜய் சேதுபதி நடிப்பில் வரிசையாக 'இடம் பொருள் ஏவல்', 'இறைவி', 'மெல்லிசை', 'தர்மதுரை' ஆகிய படங்கள் வெளியீட்டிற்கும், சில இறுதிக்கட்ட பணிகளிலும் உள்ளன. தற்போது, 'காக்கா முட்டை' மணிகண்டன் இயக்கத்தில் விஜய் சேதுபதி நடித்து வரும் ஆண்டவன் கட்டளை' படத்தின் இறுதிக் கட்ட படப்பிடிப்பை முடித்துள்ளார். இதைத் தொடர்ந்து 'றெக்க' படத்தின் இறுதிக்கட்ட படப்பிடிப்பில் கலந்துக் கொள்ள படக்குழு பாங்காக் சென்றுள்ளது.
காமன் மேன் வழங்கும் இப்படத்தை 'வா டீல்' புகழ் இயக்குனர் ரத்தினசிவா இயக்குகிறார். இப்படத்தில் கே.எஸ்.ரவிகுமார், ஹரிஷ் உத்தமன், கபீர் சிங் ஆகியோர் முக்கிய கதாப்பாத்திரத்தில் நடிக்கின்றனர்.

இப்படத்திற்க்கு டி.இம்மான் இசையமைக்கவிருக்கிறார். இப்படம் வருகிற அக்டோபர் 7 ஆம் தேதி ஆயுத பூஜை விடுமுறையை முன்னிட்டு வெளியாகும் என தெரிவிக்கப்பட்டுள்ளது.