ஓவர் நடிப்பு உடம்புக்கு ஆகாது ரெஜினா - ரம்யா நம்பீசன்!

தெலுங்கில் நடிகை ரெஜினா நடிக்க வேண்டிய படத்தில் தற்போது நடிகை ரம்யா நம்பீசன் நடிக்கவுள்ளார்.

நடிகை ரெஜினா தமிழில் ‘கண்ட நாள் முதல்’ படத்தில் அறிமுகமானார். அதன் பின் ‘அழகிய அசுரா’, ‘பஞ்சாமிர்தம்’,, ‘கேடி பில்லா கில்லாடி ரங்கா’ உட்பட பல படங்களில் நடித்துள்ளார். ஒரு காலகட்டத்தில் தமிழில் வாய்ப்பு குறைந்ததும் தெலுங்கிலும், கன்னடத்திலும் பல படங்களில் நடித்து வந்தார்.

சமீபத்தில் இவர் மீது தெலுங்கு தயாரிப்பாளர்கள் சில புகார்கள் கூறினர். கன்னடத்தில் ‘குருஷேத்திரா’ என்ற புராண படம் நடிக்க ரெஜினா ஒப்பந்தமாகியிருந்தார். தற்போது இந்த படத்தில் நடிகை ரெஜினாவிற்கு பதில் நடிகை ரம்யா நம்பீசன் நடிக்க போவதாக தகவல் வெளியாகியுள்ளது. சுமார் 100 கோடி ரூபாய் பட்ஜெட்டில் தயாராகும் இந்தப் படத்தில் துரியோதனனின் மனைவி கதாபாத்திரத்தில் நடிக்கவிருந்தார் நடிகை ரெஜினா.

கன்னட சினிமாவை விட தமிழ், தெலுங்கில் அதிக சம்பளம் என்பதால் கன்னட சினிமாவை ரெஜினா மறந்துவிட்டதாக கன்னட ஊடகங்கள் செய்தி வெளியிட்டு வருகின்றன. இந்நிலையில் ரெஜினாவின் இந்த பட வாய்ப்பு ரம்யா நம்பீசனுக்குப் போயுள்ளது.