சிக்ஸ் பேக் புகைப்படத்தை வெளியிட்ட குத்துச்சண்டை நாயகி!

‘ஆண்டவன் கட்டளை’ படத்தில் விஜய்சேதுபதிக்கு ஜோடியாக நடித்த ரித்திகா சிங் தன்னுடைய சிக்ஸ் பேக் புகைப்படத்தை வெளியிட்டுள்ளார்.

சினிமாவில் நடிகர்கள் சரத்குமார், விக்ரம், சூர்யா, விஷால், ஆர்யா, ஆதி, அதர்வா, விஜய் உட்பட பலர் சிக்ஸ் பேக் வைத்திருப்பதைப் நாம் பார்த்துள்ளோம். ஆனால், நடிகைகளில் ஒரு சிலர் மட்டுமே சிக்ஸ் பேக் வைத்துள்ளனர். அதில் தற்பொழுது பிரபல நடிகை ரித்திகா சிங் சிக்ஸ் பேக் உள்ள தனது புகைப்படத்தை வெளியிட்டு ரசிகர்களுக்கு ஆச்சரியத்தை ஏற்படுத்தியுள்ளார்.

தமிழில் ‘இறுதிச் சுற்று’ படம் மூலம் அறிமுகமானவர் நடிகை ரத்திகா சிங். முதல் படத்திலேயே தனது அபார நடிப்பின் திறமையால் ஏராளமான ரசிகர்களின் மனதில் இடம்பிடித்தார். அடுத்ததாக விஜய் சேதுபதிக்கு ஜோடியாக ‘ஆண்டவன் கட்டளை’ படத்தில் நடித்திருந்தார்.

உண்மையிலேயே குத்துச்சண்டை வீராங்கனையாக இருப்பவர் ரித்திகா சிங். இவர் தினமும் உடற்பயிற்சி செய்து வருகிறார். அப்போது எடுத்த புகைப்படங்களை தற்போது ரசிகர்களுடன் பகிர்ந்துள்ளார். அதில் ஒன்றுதான் தற்போது வெளியிட்டுள்ள சிக்ஸ் பேக் புகைப்படம். இந்தப் புகைப்படத்தைப் பார்த்த அவரது ரசிகர்கள் ஆச்சரியத்தில் உள்ளனர்.