ரஜினியின் 2.0 படத்தில் சதீஸ் மற்றும் ஆர்.ஜே.பாலாஜி?

ஷங்கர் இயக்கத்தில் சூப்பர் ஸ்டார் ரஜினிகாந்த் 2.0 படத்தில் விறுவிறுப்பாக நடித்து வருகிறார். இப்படத்தில் காமெடிக்கு ஆர்.ஜே.பாலாஜி மற்றும் சதீஸ் ஆகியோர் இணைந்துள்ளதாக சமூக வலைதளங்களில் தகவல் வெளியாகியுள்ளது.

ஷங்கர் இயக்கத்தில் உருவாகி வரும் படங்கள் அனைத்தும் பாக்ஸ் ஆபிஸில் வசூலில் கலக்கி வருகிறது. அதுமட்டுமல்லாமல், தியேட்டர் உரிமையாளர்களும், விநியோகஸ்தர்களும் வசூல் அள்ளி வருகின்றனர். ஷங்கர் படத்தில் பெரும்பாலும் கதையோடு சேர்ந்து காமெடிக்கும் முக்கியத்துவம் கொடுக்கப்படும். மேலும், அவர் இயக்கி வெளிவந்த எந்திரன் படத்தில் சந்தானம் மற்றும் கருணாஸ் ஆகியோர் காமெடியில் கலக்கியிருந்தனர்.

இந்நிலையில், தற்போது ஷங்கர் இயக்கும் 2.0 படத்தில் சந்தானம் மற்றும் கருணாஸ் ஆகியோருக்குப் பதிலாக ஆர்.ஜே.பாலாஜி மற்றும் சதீஷ் நடிக்க ஒப்பந்தம் செய்யப்பட்டுள்ளதாக தகவல் தெரிவிக்கின்றது.