LKG Collections Day 1: சென்னையில் மட்டும் ரூ.36 லட்சம் குவித்த லால்குடி காந்தியின் எல்கேஜி!

ஆர்.ஜே.பாலாஜி நடிப்பில் நேற்று வெளியான எல்கேஜி படம் முதல் நாளில் மட்டும் சென்னையில் ரூ.36 லட்சம் வசூல் குவித்துள்ளது.

இயக்குனர் கேஆர் பிரபு இயக்கத்தில் ஆர்.ஜே.பாலாஜி, ஜே.கே.ரித்தேஷ், ப்ரியா ஆனந்த், நாஞ்சில் சம்பத் ஆகியோர் பலர் நடிப்பில் வெளியாகியுள்ள படம் எல்.கே.ஜி. முழுக்க முழுக்க அரசியல் கட்சிகளை விமர்சிக்கும் வகையில், உருவாக்கப்பட்டுள்ள இப்படம் கண்டிப்பாக ஆர்ஜே பாலாஜிக்கு திருப்பு முனையை ஏற்படுத்தும் வகையில் இருக்கும் என்று எதிர்பார்க்கப்படுகிறது. லால்குடி என்ற பகுதியில் கவுன்சிலராக இருக்கும் ஆர்ஜே பாலாஜி எப்படி மாநிலத்தின் முதல்வராகிறார் என்பது தான் இப்படத்தின் கரு.

இந்த நிலையில், ஆர்.ஜே.பாலாஜியின் அரசியல் படத்திற்கு சென்னையில் நல்ல வரவேற்பு கிடைத்துள்ளது. சென்னையில் மட்டும் இப்படம் ரூ.36 லட்சம் வரையில் வசூல் குவித்துள்ளது. இந்தியா மட்டுமில்ல மற்ற மொழி படங்களுக்கு போட்டியாக அமெரிக்காவில் வெளியான எல்கேஜி அமெரிக்க பாக்ஸ் ஆபிஸ் வசூலில் ரூ.5.5 லட்சம் (7,774 டாலர்) வசூல் செய்துள்ளது.

எனினும், தமிழ் ராக்கர்ஸ் இணையதளத்தில் இப்படம் வெளியானதால் இப்படத்தில் வசூல் பாதிக்கப்பட்டுள்ளது என்பது குறிப்பிடத்தக்கது. இப்படத்திற்கு போட்டியாக வெளியான உதயநிதி ஸ்டாலினின் கண்ணே கலைமானே படம் போதுமான வசூல் ரீதியாக போதுமான வரவேற்பு பெறவில்லை என்பது குறிப்பிடத்தக்கது.