சூர்யாவுடன் மோதும் ஆர்.கே.சுரேஷ்!

வரும் பொங்கலன்று, சூர்யா நடித்த ‘தானா சேர்ந்த கூட்டம்’ படமும், ஆர்.கே.சுரேஷ் நடித்த ‘பில்லா பாண்டி’ படமும் மோதவுள்ளது.

விநியோகஸ்தர் மற்றும் தயாரிப்பாளராக இருந்து வந்தவர் ஆர்.கே.சுரேஷ். இவர் பாலா இயக்கிய ‘தாரை தப்பட்டை’ படம் மூலம் வில்லனாக அறிமுகமானார். அந்தப் படத்தையடுத்து ஆர்.கே.சுரேஷ், ‘இப்படை வெல்லும்’, ‘தனி முகம்’, ‘ஸ்கெட்ச்’, ‘வேட்டை நாய்’, ‘பில்லா பாண்டி’ என பல படங்களில் பிஸியாக நடித்து வருகிறார்

இவற்றில் சரவண சக்தி இயக்கத்தில் உருவாகும் ‘பில்லா பாண்டி’ படத்தில் ஆர்.கே.சுரேஷ் கதாநாயகனாக நடித்து வருகிறார். இந்த படத்தில் ஆர்.கே.சுரேஷ், அஜீத் ரசிகராக நடிக்கிறார். இவருக்கு ஜோடியாக இந்துஜா நடித்து வருகிறார். இந்தப் படத்தை பொங்கலுக்கு வெளியிட முடிவு செய்துள்ளது படக்குழு.

பொங்கலுக்கு சூர்யா நடிப்பில் உருவாகி வரும் ‘தானா சேர்ந்த கூட்டம்‘ வெளியாகிறது. சிவகார்த்திகேயன் நடித்துள்ள வேலைக்காரன் டிசம்பர் மாதம் வராத பட்சம் பொங்கலுக்கு வெளியாக வாய்ப்பிருக்கிறது.இந்தப் படங்களோடு, விமல் நடிப்பில் உருவாகியுள்ள ‘மன்னர் வகையறா’ படம் பொங்கலுக்கு வருவதாக ரிலீஸ் தேதியை அறிவித்துள்ளனர். இந்நிலையில்தான் ஆர்.கே.சுரேஷின் ‘பில்லா பாண்டி’யும் பொங்கல் ரேசில் களமிறங்கவிருப்பதை அறிவித்திருக்கிறார்கள்.