சிவகார்த்திகேயனுடன் இணையும் ரோபோ சங்கர், ஆர்.ஜே. பாலாஜி!

சிவகார்த்திகேயன் தற்போது நடிக்கவிருக்கும் புதிய படத்தில் ரோபோ சங்கர், ஆர்.ஜே.பாலாஜி ஆகியோர் இணையவுள்ளார்கள்.

சிவகார்த்திகேயன் & கீர்த்தி சுரேஷ் நடித்த ‘ரெமோ’ படம் வெளியாகும் நிலையில் உள்ளது. படத்திற்கு யு சான்றிதழ் கிடைத்துள்ளது. அடுத்ததாக மோகன் ராஜா இயக்கத்தில் சிவகார்த்திகேயன் நடிக்கிறார்.  இந்தப் படத்தில் இவருக்கு ஜோடியாக நயன்தாரா நடிக்கவுள்ளார். மேலும் இந்தப் படத்தில் காமெடி நடிகர்கள் ரோபோ சங்கர், ஆர்.ஜே. பாலாஜி ஆகிய இருவரும் நடிக்கிறார்கள்.

படத்தை தயாரிப்பாளர் ஆர்.டி. ராஜா சார்பில் 24கிவி ஸ்டுடியோஸ் நிறுவனம் தயாரிக்கிறது. விரைவில் தொடங்கவிருக்கும் இப்படத்தின் நடிகர், நடிகையர் தேர்வுகள் தற்போது விறுவிறுப்பாக நடைபெற்று வருகிறது. இந்த படத்தில் இரண்டு முன்னணி காமெடியன்களான ஆர்.ஜே.பாலாஜி, ரோபோ சங்கர் நடிக்கின்றனர்.  ஆர்.ஜே.பாலாஜி ‘தேவி’, ‘கடவுள் இருக்கான் குமாரு’, ‘கவலை வேண்டாம்’, ‘காற்று வெளியிடை’ உள்ளிட்ட பல படங்களில் காமெடியனாக நடித்து வருகிறார். அதேபோல், ரோபோ சங்கரும் ‘எஸ் 3’, ‘வீரசிவாஜி’ உள்ளிட்ட பல படங்களில் காமெடியான நடித்து வருகிறார் என்பது குறிப்பிடதக்கது.