அரசியல்ல இதெல்லாம் சாதாரணமப்பா: ரஜினியை கலாய்த்த ரோபோ ஷங்கர் பட போஸ்டர்

நடிகர் ரஜினிகாந்த் தான் அரசியலிலுக்கு வருவதாக கடந்த பல வருடங்களாக கூறி வருகிறார். அவரை விமர்சித்து ஜெயம் ரவியின் கோமாளி படத்தின் டீசரில் ஒரு காட்சி வைத்திருந்தனர். அது பெரிய சர்ச்சையானது. அதற்கு ரஜினி ரசிகர்கள் எதிர்ப்பு தெரிவித்ததால் படத்தில் இருந்து அது நீக்கப்பட்டது.

இன்று ரஜினி மீடியாவை சந்தித்து தனக்கு முதலமைச்சர் ஆகும் ஆசை இல்லை என கூறியுள்ளார். மேலும் தான் கட்சி ஆரம்பித்தால் கட்சி வேறு, ஆட்சி வேறு என இருக்கும் எனவும், ஒரு இளைஞரை முதலமைச்சர் ஆக்க போவதாக கூறியுள்ளார் அவர்.

ரஜினி இன்று பேசியதை வைத்து தான் சமூக வலைத்தளங்களில் அதிகம் மீம்கள் சமூக வலைத்தளங்களில் தற்போது உலா வருகின்றன.

இந்நிலையில் ரோபோ ஷங்கர் நடித்துள்ள "அரசியல்ல இதெல்லாம் சாதாரணமப்பா" என்ற படத்தின் போஸ்டர் ஒன்று வெளியிடப்பட்டுள்ளது. அதில் ரஜினியை நேரடியாகவே விமர்சித்துள்ளனர்.



"வருவது உறுதி, வந்துட்டே இருக்கேன், வந்துட்டேன் ஆனா நான் இல்லை" என ரஜினிகாந்த் ஒவ்வொரு சமயத்திலும் கூறிவந்த விஷயங்கள் பற்றி அந்த போஸ்டரில் குறிப்பிட்டுள்ளனர்.

அவினாஷ் ஹரிஹரன் இயக்கியுள்ள இந்த படத்தில் வீரா, மாளவிகா நாயர் மற்றும் ரோபோ ஷங்கர் ஆகியோர் முக்கிய வேடங்களில் நடித்துள்ளனர். கவுண்டமணியின் மிக பிரபலமான வசனமான 'அரசியல்ல இதெல்லாம் சாதாரணமப்பா' என்பது இந்த படத்தின் காமெடியான கதைக்கு பொருத்தமாக இருக்கும் என எண்ணி தான் அந்த தலைப்பை வைத்துள்ளனர்.

இதற்கு முன்பே இந்த படத்தின் ட்ரைலர் வெளியிடப்பட்டிருந்தது. அது நல்ல வரவேற்பை பெற்றிருந்த நிலையில் தான் இப்போது இப்படி ஒரு போஸ்டரை வெளியிட்டுள்ளனர்.