‘ஆர்.ஆர்.ஆர்’ படத்தின் ரிலீஸ் தேதி அறிவிப்பு!

ராஜமௌலியின் சூப்பர் ஹிட்டான 'பாகுபலி' திரைப்படத்தை தொடர்ந்து, தெலுங்கின் முன்னணி கதாநாயகர்களான ராம்சரண் தேஜா மற்றும் ஜூனியர் என்.டி.ஆர் இருவரையும் வைத்து இரத்தம் ரணம் ரௌத்திரம்(ஆர்.ஆர்.ஆர்) என்ற திரைப்படத்தை இயக்கி வருகிறார். டிவிவி தானய்யா தயாரிக்கும் இந்த படம் சுமார் ரூ. 350 கோடியில் உருவாகி வருகிறது.

இப்படத்தில் அஜய் தேவ்கன், சமுத்திரகனி, அலியா பட் ஆகியோர் முக்கிய கதாபாத்திரங்களில் நடிக்கின்றனர். படத்தின் கதை சுதந்திர போராட்ட வீரர்களான சீதராமராஜு, கொமராம்பீம் ஆகியோர் வாழ்க்கையை தழுவி எழுதப்பட்டிருக்கிறது. சீதாராம ராஜூவாக ராம் சரணும், கொமாரம் பீமாக ஜூனியர் என்.டி.ஆரும் நடிக்கின்றனர்.

இந்தப் படத்துக்குத் சில நாட்களாக தலைப்பு இறுதி செய்யப்படாமல் 'ஆர்.ஆர்.ஆர்' என்று அழைக்கப்பட்டு வந்தது. இதனால் கடந்த மார்ச் மாதம் தெலுங்கு வருடப் பிறப்பை முன்னிட்டு இந்தப் படத்தின் தலைப்பை அதிகாரபூர்வமாக அறிவித்திருந்தது படக்குழு.

முன்னதாக இப்படம் இந்த ஆண்டு ஜனவரி 8ஆம் தேதி ரிலீசாகும் என அறிவிக்கப்பட்டு இருந்தது. ஆனால் கொரோனா அச்சுறுத்தல் காரணமாக படபிடிப்பு தடை ஏற்ப்பட்டது. அதனை அடுத்து ஆர்.ஆர்.ஆர் படத்தின் ரிலீஸ் தேதி மாற்றப்பட்டது. இதன் பின் 2021ஆம் ஆண்டு ஜூலை 30ஆம் தேதிக்கு தள்ளிவைக்கப்பட்டுள்ளதாக தகவல் வெளியாகி இருந்தது.

அடுத்ததாக, ராமராஜூவாக ராம் சரண் தோன்றும் ஃப்ர்ஸ்ட் லுக்கை வெளியிட்டு ரசிகர்களை மகிழ்ச்சியில் ஆழ்த்தி வந்தது படக்குழு. இதனையடுத்து கொமாரம் பீம் ஆக வரும் ஜூனியர் என்.டி.ஆரின் டீசரை வெளியிட்டனர். ஜூனியர் என்.டி.ஆரின் 'பீம்' லுக் ரசிகர்கள் மத்தியில் பேசுபொருள் ஆகியது. இதுவரை அவரை இத்தகைய தோற்றத்தில் பார்த்திருக்கவில்லை என ரசிகர்கள் சமூக வலைதங்களில் கருத்து சொல்லி வந்தார்கள்.

ரசிகரின் திருமணத்தை முன்நின்று நடத்தி வைத்த சூர்யா: வைரல் போட்டோஸ்

இந்நிலையில், இரண்டு தினங்களுக்கு முன்பு, இந்த படத்தில் முக்கிய கதாபாத்திரத்தில் நடிக்கும் ஐரிஷ் நடிகையான அலிசான் டூடி, தனது சமூக வலைத்தள பக்கத்தில் ‘ஆர்.ஆர்.ஆர்’ திரைப்படம் வருகிற 2021ஆம் ஆண்டு அக்டோபர் 8ஆம் தேதி ரிலீசாக உள்ளதாக பதிவிட்டிருந்தார். இதைக்கண்டு அதிர்ச்சியடைந்த ஆர்.ஆர்.ஆர் படக்குழுவினர் அந்த பதிவை நீக்குமாறு கேட்டுக் கொண்டதையடுத்து அவர் உடனே நீக்கி விட்டார். இருப்பினும் இதனை ஸ்கிரீன்ஷாட் எடுத்த ரசிகர்கள் பலர் சமூக வலைதளங்களில் வைரலாக்கி வந்தனர்.

இறுதியாக இப்படத்தின் ரிலீஸ் தேதியை படக்குழு இன்று அதிகாரப்பூர்வமாக அறிவித்துள்ளது. அதன்படி வருகிற அக்டோபர் மாதம் 13ஆம் தேதி தசரா பண்டிகையையொட்டி இப்படத்தை திரையரங்குகளில் வெளியிட உள்ளதாக படக்குழு அதிகாரப்பூர்வமாக அறிவித்துள்ளது. இந்நிலையில் ட்விட்டரில், #RRRUpdate என்ற ஹேஷ்டேக் ட்ரெண்டாகி வருகிறது

இப்படம் தமிழ், தெலுங்கு, இந்தி, கன்னடம், மலையாளம் ஆகிய 5 மொழிகளில் உருவாகி வருகிறது. இப்படத்தின் படப்பிடிப்பு இறுதிக்கட்டத்தை எட்டியுள்ளது என்பது குறிப்பிடத்தக்கது.