Dhanush: என்னை யாராலும் தடுக்க முடியாது.. தனுஷின் மெஹா பிளான்..!

கார்த்திக் நரேனின் 'மாறன்' படத்தை தொடர்ந்து சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் 'திருச்சிற்றம்பலம்’ படத்தில் நடித்து வந்தார் தனுஷ். இதன் படப்பிடிப்பு அண்மையில் நிறைவடைந்ததை தொடர்ந்து தற்போது தனது அண்ணன் செல்வராகவன் இயக்கத்தில் 'நானே வருவேன்' படத்தில் நடித்து முடித்துள்ளார் தனுஷ்.

இந்தப்படத்தில் செல்வராகவன், தனுஷ், யுவன்சங்கர் ராஜா ஆகிய மூவரும் பத்தாண்டுகளுக்கு பிறகு இணைந்துள்ளனர். புதுப்பேட்டை படத்திற்கு பிறகு இவர்கள் மூவரும் இணைய உள்ளதால் இந்தப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு ஏற்பட்டுள்ளது. இந்நிலையில் தனுஷின் ஹாலிவுட் படமான தி கிரே மேனும் ரிலீசுக்கு தயாராகி கொண்டிருக்கிறது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

தனுஷின் இரண்டாவது ஹாலிவுட் படமான தி கிரே மேனை 'அவெஞ்சர்ஸ் இன்ஃபினிடி வார்', 'எண்ட்கேம்' படங்களை இயக்கிய ஆண்டனி ரூசோ, ஜோ ரூசோ ஆகியோர் இந்தப்படத்தை இயக்கியுள்ளனர். ரியான் கோஸ்லிங், கிறிஸ் எவன்ஸ், அனா டி அர்மாஸ், ஜெசிக்கா ஹென்விக் ஆகியோருடன் இணைந்து இந்தப்படத்தில் நடிததுள்ளார் தனுஷ்.

இந்தப்படம் வருகிற ஜூலை மாதம் 22 ஆம் தேதி நெட்பிளிக்ஸ் ஓடிடி தளத்தில் வெளியாகவுள்ளது. இந்தப்படம் குறித்து அந்தோனி மற்றும் ஜோ ரூஸோ, இருவரும் ரசிகர்களிடம் ட்விட்டரில் உரையாடினர். அப்போது நடிகர் தனுஷ் பற்றி பேசும் போது, "இந்த படத்தில் அவருக்கு இரண்டு பெரிய சண்டைக் காட்சிகள் உள்ளன. நாங்கள் அவருடைய தீவிர ரசிகர்கள். அவருடன் வேலை செய்வதை நாங்கள் மிகவும் விரும்பினோம்" என்று தெரிவித்தனர்.

ஆண்டவருடன் இணையும் விஜய், சூர்யா: இது நம்ம லிஸ்ட்லயே இல்லயே..!
மேலும் தனுஷின் கதாபாத்திரம் குறித்து பேசிய போது, "இந்த படத்தில் தனுஷ், உலகின் மிகச்சிறந்த அசாசின்களில் ஒருவராக நடிக்கிறார். அவரை மனதில் வைத்து தான் அந்த கதாபாத்திரத்தை எழுதினோம். அவரது கதாபாத்திரத்தை முதன்மையாக கொண்டு விரைவில் ஒரு புதிய படத்தை எதிர்பார்க்கலாம்" என்று தெரிவித்துள்ளனர். ரூசோ பிரதர்ஸ்-ன் இந்த அறிவிப்பு தனுஷ் ரசிகர்களிடையே கொண்டாட்டத்தை ஏற்படுத்தியுள்ளது.