மலேசியாவுக்கு பறக்க 'எஸ் 3' படக்குழு ஆயத்தம்

சென்னை: இயக்குனர் ஹரி இயக்கத்தில் சூர்யா நடித்து வரும் 'எஸ் 3' படத்தின் படப்பிடிப்பு இன்று சென்னையில் நடைபெற்றது.

வடபழனியில் உள்ள ஏவிஎம் ஸ்டுடியோவில் நடைபெற்ற படப்பிடிப்பு இன்று அல்லது நாளை முடிவடையும் என கூறப்படுகிறது. இதைத் தொடர்ந்து அடுத்தக்கட்டமாக வருகிற ஆகஸ்ட் 26ஆம் தேதி படக்குழு மலேசியா செல்ல திட்டமிட்டுள்ளதாக கூறப்படுகிறது.

இப்படத்தை அக்டோபர் மாதம் தீபாவளி பண்டிகையை முன்னிட்டு வெளியிட படக்குழு திட்டமிட்டுள்ளது. அதற்காக படத்தின் பணிகளை தற்போது தீவிரப்படுத்தியுள்ளதாக கோலிவுட் வட்டாரங்கள் தெரிவித்துள்ளது.

கடந்த ஜனவரி மாதம் தொடங்கிய இபப்டத்தின் படப்பிடிப்பு பிளாக் பஸ்டர் ஹிட் கொடுத்த சிங்கம் சீரிஸின் 3 வது பாகம் என்பது குறிப்பிடத்தக்கது. சூர்யா, அனுஷ்கா, ஸ்ருதிஹாசன் இணைந்து நடித்துள்ள இப்படத்துக்கு ஹாரிஸ் ஜெயராஜ் இசையமைத்துள்ளார்.