Happy Birthday Prabhas: சாஹோ படத்தின் மேக்கிங் வீடியோ வெளியீடு

பாகுபலி வரிசை படங்களுக்கு பிறகு, நாயகன் பிரபாஸ் நடித்து வரும் ’சாஹோ’ படம் ரசிகர்கள் மத்தியில் மிகுந்த எதிர்பார்ப்புகளை பெற்றுள்ளது. இந்நிலையில் படத்தில் இடம்பெற்றுள்ள முக்கிய ஸ்டென்ட் மேக்கிங் காட்சி குறித்த வீடியோவை படக்குழு வெளியிட்டுள்ளது.

நடிகர் பிரபாஸ் இன்று தனது 38வது பிறந்தநாளை கொண்டாடுகிறார். அதை முன்னிட்டு ’சாஹோ’ படத்தில் இடம்பெற்றுள்ள முக்கிய ஸ்டன்ட் காட்சி உருவான விதம் குறித்த வீடியோ வெளிவந்துள்ளது. தற்போது இந்த வீடியோ யு-டியூபில் வைரலை கிளப்பியுள்ளது.

முற்றிலும் வெளிநாட்டில் படமாக்கப்பட்டுள்ள இந்த காட்சியில், புதிய தொழில்நுட்பங்கள், பிரமாண்ட அரங்குகள், மிரட்டும் வாகனங்கள் போன்றவை பயன்படுத்தப்பட்டுள்ளன. மேலும் படத்தின் நாயகியான ஸ்ரத்தா கபூரும் சண்டை காட்சியில் நடித்துள்ளார்.


பிரபாஸின் முந்தைய பாகுபலி படத்திலிருந்து முற்றிலும் மாறுபட்ட பரிணாமத்தில் ’சாஹோ’ திரைப்படம் உருவாகி வருகிறது. ஸ்டைலான, வெளிநாட்டு திரைக்கதை அமைப்பில் தயாராகி வரும் இப்படம் அறிவியல் புனைக்கதையாக இருக்கலாம் என தகவல்கள் தெரிவிக்கின்றன.

தெலுங்கு மற்றும் இந்தியில் நேரடியாக தயாராகி வரும் இந்த படம், கடந்த ஆக்ஸ்டு 2017ம் ஆண்டு தொடங்கப்பட்டது. சுமார் ரூ. 300 கோடி மதிப்பில் உருவாகி வரும் ’சாஹோ’ தமிழ் மற்றும் மலையாளத்தில் மொழிமாற்றம் செய்யப்பட்டு வெளியிடப்படுகிறது.

கடந்தாண்டு, நடிகர் பிரபாஸின் பிறந்தநாளின் போது ’சாஹோ’ படத்தின் முதல் பார்வை போஸ்டர் வெளியானது. அவரது இந்தாண்டு பிறந்தாளுக்கு ’சாஹோ’ படத்தின் முக்கிய சண்டை காட்சி படமாக்கப்பட்ட விதம் தொடர்பான வீடியோ வெளிவந்துள்ளது.

தமிழகம்உட்பட இந்தியா முழுவதும் மிகப்பெரிய எதிர்பார்ப்பை பெற்று வரும் ’சாஹோ’ படம் அடுத்தாண்டு மார்ச் மாதம் வெளியிடப்படும் என படக்குழு அறிவித்துள்ளது.