'பாகுபலி 2' திரைப்படத்தைத் தொடர்ந்து பிரபாஸ் நடித்து வரும் புதிய படமான ‘சாஹோ’ திரைப்படத்தின் டீசர் நேற்று மாலை வெளியானது. தமிழ், தெலுங்கு, ஹிந்தி, மலையாளம் என ஒரே நேரத்தில் நான்கு மொழிகளில் உருவாகி வரும் இப்படம் பிரபாஸின் 19-வது படமாகும்.
இயக்குனர் சுஜீத் இயக்கி வரும் ஆக்ஷன் கலந்த ரொமாண்டிக் த்ரில்லராக உருவாகி வரும் 'சாஹோ' திரைப்படத்தில் பிரபாஸ் காவல்துறை அதிகாரியாக நடித்திருப்பதாக கூறப்படுகிறது. ‘யு.வி.கிரியேஷன்ஸ்’ நிறுவனம் சார்பில் வம்சி – பிரமோத் இருவரும் இணைந்து மெகா பட்ஜெட்டில் தயாரித்து வரும் இப்படத்திற்கு ஷங்கர்-ஹிசான்-லாய் இசையமைத்து வருகிறார்.
சமீபத்தில் வெளியிடப்பட்ட இப்படத்தின் முதல் பார்வை போஸ்டர் ரசிகர்கள் மத்தியில் நல்ல வரவேற்பை பெற்றது. இந்நிலையில், நேற்று 4 மொழிகளிலும் வெளியான மிரட்டலான மாஸ் டீசர், எதிர்ப்பார்ப்பை அதிகரிக்கச் செய்துள்ளது. இந்த டீசர் இன்று வெளியான 'பாகுபலி 2' திரைப்படத்தின் விளம்பர இடைவெளியில் திரையரங்குகளில் திரையிடப்பட்டது.
‘சாஹோ’ படத்தில் நடிக்கும் இதர நடிகர்கள் குறித்த விவரம் வெகு விரைவில் அறிவிக்கப்படும் என எதிர்பார்க்கப்படுகிறது. இப்படத்தை அடுத்த ஆண்டு (2018)வெளியிட படக்குழு திட்டமிட்டுள்ளது.
The makers of the forthcoming film Saaho have unveiled the teaser cut from the film, which stars Prabhas in the lead.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
