கிரிக்கெட் கடவுளை மிஞ்சிய தல தோனி: எதில் தெரியுமா?

கிரிக்கெட் கடவுள் என்று வர்ணிக்கப்படும் சச்சின் டெண்டுல்கர் நடித்துள்ள திரைப்படம் “சச்சின் எ பில்லியன் ட்ரீம்ஸ்” . இந்தப்படத்தை ஜேம்ஸ் எர்ஸ்கைன் இயக்க, ஏ.ஆர்.ரஹ்மான் இசை அமைத்துள்ளார். விளையாட்டு களத்தில் நாம் பார்த்த சச்சின் பற்றிய சுவாரஸ்ய தகவல்கள், அவர் கிரிக்கெட் விளையாடிய போது நிகழந்த சம்பவங்கள் என்று இந்த திரைப்படம் இடம்பெற்றுள்ளனர்


இந்த திரைப்படம் இந்தியா முழுவதும் நேற்று வெளியானது. முதல் நாளான நேற்று இந்த படம் இந்தியாவில் மட்டும் ரூ.9 கோடி வசூல் செய்துள்ளதாக தகவல்கள் வெளியாகியுள்ளனர். வாழ்க்கை வரலாற்று படங்களில் முதல் நாளன்று அதிகமாக வசூல் செய்த படங்களில் இந்த படம் இரண்டாம் இடத்தைப் பெற்றுள்ளது.

முதல் நாளன்று அதிகம் வசூலித்த வாழ்க்கை வரலாற்று படங்களில் முதலிடம் பெற்றிருப்பது தோனியின் வாழ்க்கை வரலாற்று படமாகும். இந்த படம் முதல் நாளன்று ரூ.21 கோடி வசூல் செய்தது இதன் மூலம் கிரிக்கெட்டின் கடவுள் சச்சினை, இந்திய கிரிக்கெட்டின் தல தோனி முந்தியுள்ளதாக சமூக வலைதளங்களில் பேசப்பட்டு வருகிறது.