ராஜமௌலி இயக்கும் படத்தில் இப்படியொரு வேடமா? செம குஷியில் சாய் பல்லவி!

பாகுபலி 2 படத்தை அடுத்து, ’ஆர் ஆர் ஆர்’ என்ற படத்தை ராஜமௌலி இயக்கி வருகிறார். இதில் ராம்சரண், ஜூனியர் என்.டி.ஆர் ஆகியோர் நடிக்கின்றனர். இதில் என்.டி.ஆர் ஜோடியாக நித்யா மேனன் மற்றும் ராம் சரண் ஜோடியாக ஆலியா பட் நடித்து வருகின்றனர்.

இந்தப் படத்தில் குணச்சித்திர நடிகைகளில் ஒருவராக நடிகை டெய்சி எட்கர் ஜோன்ஸ் ஒப்பந்தம் ஆனார். இவருக்கு ஆங்கிலேயர் என்ற வகையில் கதாபாத்திரத்தை வடிவமைத்திருந்தனர்.

ஆனால் திடீரென படத்தில் இருந்து விலகுவதாக டெய்சி அறிவித்துள்ளார். இதனால் படக்குழு அதிர்ச்சி அடைந்துள்ளது. அதற்கு பதிலாக வேறொருவரை தேர்வு செய்யும் பணியில் ஈடுபட்டனர்.

இந்நிலையில் குணச்சித்திர நடிகைகளில் ஒருவராக சாய் பல்லவியை நடிக்க வைக்க முடிவு செய்துள்ளனர். இவருக்கு தெலுங்கு, தமிழ் என மார்க்கெட் இருப்பதால், அதனைக் கருத்தில் கொண்டுள்ளனர்.

இவருக்கு இந்தியரைப் போன்று கதாபாத்திரம் மாற்றி அமைக்கப்பட்டு உள்ளது. இப்படத்தை ரசிகர்கள் மிகுந்த ஆர்வத்துடன் எதிர்பார்த்து காத்துக் கொண்டிருக்கின்றனர்.