விக்ரமுக்கு ஜோடி மலர் டீச்சர் உறுதியானது!!

விக்ரமுக்கு ஜோடியாக ‘பிரேமம்’ பட மலர் டீச்சர் சாய் பல்லவி ஜோடியாகிறார்.

நடிகர் விக்ரம் கௌதம் மேனன் இயக்கத்தில் ஒரு படத்தில் நடிக்கவுள்ளார். அடுத்து விஜய்சந்தர் இயக்கத்திலும் ஒரு படத்தில் நடிக்க ஒப்பந்தமாகியுள்ளார். இந்தப் படத்தில் விக்ரமுக்கு ஜோடியாக, மலையாள ‘பிரேமம்’ பட அறிமுக நாயகி கேரளாவையே கலக்கிக் கொண்டிருக்கும் தமிழ்ப் பொண்ணு சாய்பல்லவி நடிப்பார் என்று கூறப்பட்டது. ஆனால், சாய்பல்லவி இதை உறுதி செய்யாத நிலையில், மற்றொரு கேரளத்துக் கிளியான மஞ்சிமா மோகன் நடிக்கப் போகிறார் என்றார்கள். ஆனால் உண்மை நிலவரப்படி இப்போது சாய்பல்லவிதான் விக்ரமுக்கு ஜோடியாக நடிக்கிறார் என்ற செய்தி உறுதியானது. தமிழில் சாய்பல்லவி நடிக்கப் போவது இதுதான் முதன்முறை.

நடிகை சாய்பல்லவி, ரஷ்யாவில் மருத்துவம் படித்த டாக்டர். டிவி நடன நிகழ்ச்சிகள் மூலம் பிரபலமாகி சினிமா வாய்ப்பு இவருக்கு கிடைத்தது. விரைவில் படப்பிடிப்பு தொடங்க இருக்கும் இப்படத்துக்கு தமன் இசையமைக்க, சுகுமார் ஒளிப்பதிவு செய்கிறார்.

sai pallavi is joining with vikram