சாய் பல்லவியின் குழந்தை பருவ புகைப்படம்: இணையத்தில் வைரல்

ப்ரேமம் படத்தின் மூலம் சினிமாவில் நடிகையாக அறிமுகம் ஆகி மிகவும் பாப்புலர் ஆனவர் சாய் பல்லவி. அந்த படம் வெளியான சமயத்தில் இளைஞர்களிடம் கிரஷ் யாரென்று கேட்டால் மலர் டீச்சர் என்று தான் சொல்வார்கள். அந்த அளவுக்கு பேசப்பட்டார் அவர்.

அதன் பிறகு தமிழ், தெலுங்கு என பல மொழிகளில் ஹீரோயினாக தொடர்ந்து நடித்து வருகிறார் சாய் பல்லவி. அவருக்கு ரசிகர்களும் அதிகம் உள்ளனர்.

இந்நிலையில் நேற்று சாய் பல்லவியின் தங்கை பூஜா கண்ணனின் பிறந்தநாள் என்பதால் அவருக்கு வாழ்த்து கூற தனது சிறு வயது புகைப்படத்தை வெளியிட்டுள்ளார் சாய் பல்லவி. அந்த புகைப்படம் தற்போது இணையத்தில் வேகமாக வைரலாகி வருகிறது.


தங்கை பற்றி சாய் பல்லவி கூறியிருப்பதாவது..
"உன்னுடைய அன்பு, நீ செய்த தியாகங்கள், நீ மறைத்து வைத்த வலிகள், நீ என் வாழ்க்கைக்கு கொடுத்த அர்த்தங்கள், எனக்கு நீ கொடுக்கும் மகிழ்ச்சி, அனைத்து நாட்களிலும் உன்னுடைய சிரிப்பு, என்னுடை உலகத்தில் நீ இருப்பது எனக்கு கிடைத்த வரம்."

"நீ என்னுடைய குழந்தை. உனக்கு 100 வயது ஆனாலும் அப்படித்தான். நீ என் இடத்தில் இருந்தால் தான் நான் உன்மீது எவ்வளவு அன்பு வைத்திருக்கிறேன் என தெரியும். நீ என் வாழ்க்கையில் இருப்பதால் நான் எவ்வளவு அதிர்ஷ்டசாலி என்பது இன்றைய தினம் நினைவுபடுத்துகிறது. பிறந்த நாள் வாழ்த்துக்கள் monkey" என கூறியுள்ளார் சாய் பல்லவி.