ஒரு பெண்ணை அப்படி டார்கெட் செய்யாதீர்கள்... மன்னிப்பு கேட்ட நடிகர் சித்தார்த்துக்கு சாய்னா நேவால் பதில்!
சித்தார்த் மன்னிப்பு கேட்டுள்ளது மகிழ்ச்சி அளிப்பதாக சாய்னா நேவால் தெரிவித்துள்ளார்.
Samayam Tamil 12 Jan 2022, 12:46 pm
ஹைலைட்ஸ்:
- சித்தார்த் மன்னிப்பு கேட்டதற்கு சாய்னா நேவால் பதில்
- சித்தார்த் மன்னிப்பு கேட்டதில் தனக்கு மகிழ்ச்சி என கருத்து
- ஒரு பெண்ணை அப்படி குறி வைக்காதீர்கள் என அறிவுரை
பிரதமர் மோடி கடந்த வாரம் பஞ்சாப் சென்ற போது சிலர் அவரது கான்வாய்யை மறைத்து மறியலில் ஈடுபட்டனர். இதனால் பிரதமர் மோடி பயணத்தை தொடர முடியாமல் டெல்லி திரும்பினார். பஞ்சாப் மாநில அரசின் பாதுகாப்பு குறைபாடே இதற்கு காரணம் என குற்றச்சாட்டுகள் எழுந்தன. பலரும் பஞ்சாப் அரசுக்கு கண்டனம் தெரிவித்தனர்.
மகாராஷ்டிர காவல்துறையில் அவர் மீது புகார் அளிக்கப்பட்டுள்ளது. சாய்னா நேவாலை தரம் தாழ்ந்து விமர்சித்தது தொடர்பாக மகளிர் ஆணையம் சித்தார்த்துக்கு நோட்டீஸ் அனுப்பியது. இதையடுத்து தான் பேசியதற்கு சாய்னாவிடம் மன்னிப்பு கேட்டு அறிக்கை வெளியிட்டார் நடிகர் சித்தார்த்.
இந்த நிலையில் சித்தார்த் மன்னிப்பு கேட்டதற்கு சாய்னா நேவால் தற்போது பதில் அளித்துள்ளார். அதில், முதலில் என்னைப் பற்றி ஏதோ பேசினார், பிறகு மன்னிப்பு கேட்டார். அது ஏன் இவ்வளவு வைரலானது என்று கூட தெரியவில்லை. ட்விட்டரில் நான் டிரெண்டாகி வருவதைப் பார்த்து நானே ஆச்சரியப்பட்டேன்.
சித்தார்த் மன்னிப்பு கேட்டது மகிழ்ச்சி. அப்படி ஒரு பெண்ணை டார்கெட் செய்யக் கூடாது. அது பரவாயில்லை.. நான் அதைப் பற்றி கவலைப்படவில்லை. நான் என் இடத்தில் மகிழ்ச்சியாக இருக்கிறேன். கடவுள் அவரை ஆசீர்வதிப்பார் என கூறியுள்ளார்.