தெலுங்கில் 60 கோடியை வசூலித்த சாய் பல்லவி படம்!

தெலுங்கில் சாய் பல்லவி நடித்த படம் 2 வாரங்களில் ரூ.60 கோடியை வசூலித்தது ஆச்சரியத்தை அளித்துள்ளது.

மலையாளத்தில் ‘ப்ரேமம்’ படத்தை அடுத்து சாய் பல்லவி இரண்டாவது தெலுங்கு படம் ஒன்றில் நடித்தார். இந்தப் படத்தின் பெயர் ‘பிடா’. இந்தப் படம் வெளியான 2 வாரங்களில் ரூ. 60 கோடியை வசூலித்து தெலுங்கு திரையுலகினரை ஆச்சரியத்தில் ஆழ்த்தியுள்ளது.

‘பிடா’ படத்தை சேகர் காமுல்லா இயக்கியுள்ளார். படத்தின் நாயகனாக வருண் தேஜ் நடித்துள்ளார். இந்தப் படம் ஒரு காதல் கதை சம்பந்தமானது. இந்தப் படம் மூலம் சாய் பல்லவி தெலுங்கில் அறிமுகமானார். படத்தை தில் ராஜு தயாரித்துள்ளார்.

முதல் இரண்டு வாரங்களில் விநியோகஸ்தர்களின் பங்கு மட்டும் ரூ. 34.8 கோடியாக இருக்கிறது. அனைத்து விதமான ரசிகர்களையும் படம் கவர்ந்துள்ளதாக தயாரிப்பாளர் தில் ராஜூ தரப்பு தெரிவித்துள்ளது.