தங்கையின் கணவருக்காக படம் தயாரிக்கும் சல்மான்கான்!

நடிகர் சல்மான் கான், தன் தங்கையின் கணவர் ஆயுஷ்கானுக்காக ஒரு படத்தை தயாரிக்கவுள்ளார்.

நடிகர் சல்மான்கான் மற்றும் அவரது சகோதரர்கள் உட்பட பலர் சினிமாவில் இருக்கின்றனர். இந்நிலையில் அவரது குடும்பத்திலிருந்து மற்றொரு நடிகர் தற்போது உருவாக உள்ளார். அது வேறுயாருமல்ல அவரின் தங்கை அர்பிதா கானின் கணவர் ஆயுஷ் சர்மா தான்.

ஆயுஷ் சர்மாவை, தனது சொந்த பேனரில் அறிமுகம் செய்கிறார் சல்மான்கான். இப்படம் பக்கா அதிரடி ஆக்ஷ்ன் படமாக பெரிய பட்ஜெட்டில் உருவாக இருக்கிறது. இப்படத்தை இயக்குநர் அலி அப்பாஸ் ஜாபர் இயக்கலாம் என தெரிகிறது. ஏனென்றால், சுல்தான் படத்தின் படப்பிடிப்பின்போது அலி அப்பாஸிடம், ஆயுஷ் சர்மா உதவியாளராக பணியாற்றியது குறிப்பிடத்தக்கது.