விவாகரத்து கேட்டு கோர்ட்டுக்குப் போன சல்மான்கான் சகோதரர்!

சல்மான்கானின் சகோதரர் அர்பாஸ் கான் தன் மனைவியிடம் விவாகரத்து கேட்டு கோர்ட்டுக்கு சென்றுள்ளார்.

பாலிவுட் நடிகர் சல்மான் கானின் சகோதரர் அர்பாஸ் கான். இவர் நடிகை மலைக்கா அரோராவை கடந்த 1998-ம் ஆண்டு காதலித்து திருமணம் செய்து கொண்டார். 18 ஆண்டுகளாக இருவரும் ஒன்றாக வாழ்ந்து வந்தநிலையில், சமீபத்தில் இருவருக்கும் இடையே கருத்து வேறுபாடு ஏற்பட்டு பிரிந்தனர். அணணன் சல்மான் இவர்களை சமாதானம் செய்ய முயற்சித்தும் பலனில்லை. இருவரும் பிரிவதாக தங்களது முடிவில் உறுதியாக உள்ளனர். இதையடுத்து இருவரும் முறைப்படி விவாகரத்து கேட்டு கோர்ட்டுக்கு சென்றனர். மும்பையில் உள்ள பாந்த்ரா குடும்பநல கோர்ட்டில் அர்பாஸ் கான் நடிகை -மலைக்கா ஆகிய இருவரும் விவாகரத்து கோரி மனு தாக்கல் செய்துள்ளனர். வழக்கு விரைவில் விசாரணைக்கு வரவுள்ளது.

இவர்கள் இருவரும் சமீபத்தில்தான் தங்களது மகனின் பிறந்த நாளை ஒன்றாக குடும்பத்தினருடன் கொண்டாடி இருந்தனர் என்பது குறிப்பிடத்தக்கது.