சாம் ஆண்டன் இயக்கத்தில் நடிக்கும் அதர்வா!

நடிகர் அதர்வா மைக்கேல் ராயப்பன் தயாரிப்பில் சாம் ஆண்டன் இயக்கத்தில் ஒரு படத்தில் நடிக்கவுள்ளார்.

நடிகர் அதர்வா நடித்த ‘ஈட்டி’ படத்தை குளோபல் இன்ஃபோடெயின்மென்ட் நிறுவனம் சார்பில் மைக்கேல் ராயப்பன் தயாரித்தார். தற்போது மீண்டும் மைக்கேல் ராயப்பன் தயாரிப்பில் ஒரு படத்தில் நடிக்கவுள்ளார் அதர்வான. இந்த படத்தை ‘டார்லிங்’ படத்தை இயக்கிய சாம் ஆண்டன் இயக்கவுள்ளார். இந்த படத்தின் மற்ற தொழில்நுட்ப கலைஞர்கள், நடிகை விரைவில் அறிவிக்கப்படும் என்று தெரிகிறது.

இந்தப் படத்தின் படப்பிடிப்பு ஆகஸ்டில் தொடங்க உள்ளது. சிம்புவின் ‘அன்பானவன் அசராதவன் அடங்காதவன்’, மற்றும் ஜீவா & நிக்கி கல்ராணி நடிக்கும் ‘கீ’ படங்களை தயாரித்து வரும் மைக்கேல் ராயப்பன் இந்தப் படத்தையும் தயாரித்து வருகிறார். ‘கீ’ படம் மைக்கேல் ராயப்பன் தயாரிப்பில் உருவாகும் 10-வது படமாகும்.