சமந்தா, நயன்தாரா கூட்டணி ஒர்க் அவுட்டாகல: நம்பி ஏமாந்த சிவகார்த்திகேயன்?

சிவகார்த்திகேயன் நடிப்பில் வந்த மிஸ்டர் லோக்கல் படம் ரசிகர்களிடையே கலவையான விமர்சனத்தை பெற்று வசூல் ரீதியாக சோபிக்க தவறிவிட்டதாக கூறப்படுகிறது.

தொடர்ந்து, தமிழ் சினிமாவில் முன்னணி நடிகர்களில் ஒருவராக இருப்பவர் நடிகர் சிவகார்த்திகேயன். இயக்குனர் பாண்டிராஜ் இயக்கத்தில் வந்த மெரினா என்ற படத்தின் மூலம் சாதாரண ஒரு நடிகராக அறிமுகமானார். இப்படத்தைத் தொடர்ந்து, 3, கேடி பில்லா கில்லாடி ரங்கா, எதிர் நீச்சல், வருத்தப்படாத வாலிபர் சங்கம், ரஜினி முருகன், ரெமோ, வேலைக்காரன் ஆகிய படங்கள் ரசிகர்களிடையே நல்ல வரவேற்பு பெற்ற படங்களாக அமைந்துள்ளது.

சிவகார்த்திகேயன் – நயன்தாரா

இயக்குனர் மோகன் ராஜா இயக்கத்தில் சிவகார்த்திகேயன், நயன்தாரா, மன்சூர் அலி கான், பிரகாஷ் ராஜ், சினேகா, ரோபோ சங்கர், சார்லி, மன்சூர் அலி கான், பகத் பாசில், ஆர் ஜே பாலாஜி, சதீஷ், ரோஹினி, வினோதினி வைத்தியநாதன் ஆகியோர் பலர் நடிப்பில் கடந்த 2017ம் ஆண்டு வெளியான படம் வேலைக்காரன். ரூ.40 கோடி பட்ஜெட்டில் உருவாக்கப்பட்ட இப்படம் ரூ.54 கோடி வரையில் வசூல் குவித்துள்ளது என்று கூறப்படுகிறது. இப்படத்தைத் தொடர்ந்து சீமராஜா படம் வெளியானது.

மிஸ்டர் லோக்கல் சினிமா விமர்சனம்

ரூ.1.91 கோடி கொடுத்து நம்பர் 1 இடத்தைப் பிடித்த மிஸ்டர் லோக்கல்!

சீமராஜா – சமந்தா உடன் கூட்டணி

இயக்குனர் பொன்ராம் இயக்கத்தில் சிவகார்த்திகேயன் உடன் இணைந்து சமந்தா, நெப்போலியன், சிம்ரன், சூரி, மனோபாலா ஆகியோர் பலர் நடித்துள்ளனர். படத்தின் விற்பனை விலை என்னவோ, ரூ.42.50 கோடி. எனினும், உலகம் முழுவதும் வெளியான இப்படம் ரூ.31 கோடி வரையில் மட்டுமே வசூல் குவித்துள்ளது என்பது குறிப்பிடத்தக்கது. ரசிகர்களிடையே எதிர்மறையான விமர்சனத்தை பெற்ற இப்படம் தோல்வி படமாக அமைந்தது.

கனா தயாரிப்பாளர்

இயக்குனர் அருண் ராஜா காமராஜ் இயக்கத்தில் வெளியான படம் கனா. இப்படத்தில் ஐஸ்வர்யா ராஜேஷ், சத்யராஜ் ஆகியோர் பலர் நடித்துள்ளனர். இப்படத்தை சிவகார்த்திகேயன் தயாரித்திருந்தார். ரூ.12 கோடி பட்ஜெட்டில் உருவான இப்படம் வெறும் 4 நாட்களில் ரூ.8 கோடி வரையில் வசூல் செய்துள்ளது.

மிஸ்டர் லோக்கல்

இயக்குனர் எம் ராஜேஷ் இயக்கத்தில் சிவகார்த்திகேயன், நயன்தாரா ஆகியோர் நடிப்பில் கடந்த வாரம் வெளியான படம் மிஸ்டர் லோக்கல். இப்படத்திற்கு ரசிகர்களிடையே கலவையான விமர்சனம் மட்டும் கிடைத்துள்ள நிலையில், வசூல் ரீதியாகவும் பாதிப்பு ஏற்பட்டது. முதல் வார இறுதியில் ரூ.1.91 கோடி வரையில் வசூல் குவித்துள்ளது.

ஏன் இந்தப் படம் வசூல் குவிக்கவில்லை?

படக்கதையில்லையா?

ரசிகர்களுக்கு பிடிக்கவில்லையா?

படத்தில் பெரும்பாலும் காமெடி நடிகர்கள் நடித்திருந்தாலும், மிஸ்டர் லோக்கல் வசனத்திலும், காமெடியிலும் எதிர்மறையான விமர்சனத்தையே குவித்துள்ளதால், இப்படம் போதுமான வரவேற்பு பெறவில்லை. அதோடு, இப்படத்தில், வேறொரு நடிகையை ஹீரோயினாக கூட நடிக்க வைத்திருக்கலாம் என்று கூறப்படுகிறது. ஏற்கனவே வேலைக்காரன் படம் ஹிட் கொடுத்ததைத் தொடர்ந்து இப்படத்தில் இருவரும் ஜோடி சேர்ந்து நடித்துள்ளனர். ஆனால், அதுவே படத்திற்கு பெரிய பலவீனமாக கூட இருக்கலாம்.

மொத்தத்தில் சமந்தா கூட்டணி மற்றும் நயன் தாராவின் 2ஆவது கூட்டணி சிவகார்த்திகேயனுக்கு எடுபடவில்லை என்பதை இந்தப் படத்தை வைத்தே கூறலாம் என்பது குறிப்பிடத்தக்கது.

இந்த ஆண்டின் முதல் படமே சிவகார்த்திகேயனுக்கு தோல்வி படமாக அமைந்துள்ளது. இதே போன்று கடந்தாண்டு வெளியான முதல் படம் சீமராஜாவும் தோல்வி படமாக அமைந்தது.