சமந்தா
சமந்தாவும், நாக சைதன்யாவும் சேர்ந்து ஹேஷ் என்கிற நாய்க்குட்டியை வாங்கி வளர்த்து வந்தார்கள். நாக சைதன்யாவை பிரிந்த பிறகு ஹேஷை சமந்தா தன்னுடன் வைத்திருக்கிறார். மேலும் சாஷா என்கிற புது நாய்க்குட்டியை வாங்கியிருக்கிறார். சாஷாவை ஹேஷ் பார்த்துக் கொள்ளும் விதம் பற்றி நெகிழ்ந்து போனார் சமந்தா.
பிறந்தநாள்
ஹேஷ் அகினேனியின் 3வது பிறந்தநாளை கொண்டாடியிருக்கிறார் சமந்தா. ஹேஷுக்கு பிறந்தநாளுக்கான உடை அணிந்து பார்த்தபோது எடுக்கப்பட்ட புகைப்படத்தை இன்ஸ்டாகிராம் ஸ்டோரியில் வெளியிட்டுள்ளார். நாக சைதன்யாவை பிரிந்த பிறகு ஹேஷின் பெயருக்கு பின்னால் இருந்த அகினேனியை நீக்கிவிட்டார் சமந்தா.
காத்து வாக்குல ரெண்டு காதல்
பிரிவுக்கு பிறகு ஹேஷை நாக சைதன்யா தன்னுடன் எடுத்துச் சென்றுவிட்டதாக கூறப்பட்டது. ஆனால் அப்படி எதுவும் நடக்கவில்லை. கெரியரை பொறுத்தவரை விக்னேஷ் சிவன் இயக்கத்தில் காத்து வாக்குல ரெண்டு காதல் படத்தில் விஜய் சேதுபதி, நயன்தாராவுடன் சேர்ந்து நடித்திருக்கிறார் சமந்தா. காத்து வாக்குல ரெண்டு காதல் படம் வரும் டிசம்பர் மாதம் தியேட்டர்களில் ரிலீஸாகவிருக்கிறது.
கதிஜா
காத்து வாக்குல ரெண்டு காதல் படத்தில் சமந்தா கதாபாத்திரத்தின் பெயர் கதிஜா. நயன்தாராவின் பிறந்தநாள் அன்று தான் அந்த அறிவிப்பு வெளியானது. சமந்தாவும், விஜய் சேதுபதியும் நயன்தாராவின் பிறந்தநாள் பார்ட்டியில் கலந்து கொண்டார்கள். அப்பொழுது எடுக்கப்பட்ட புகைப்படங்கள் வெளியாகி வைரலாகின.