விஜய் சேதுபதியுடன் ஜோடி சேரும் சமந்தா?

சென்னை: தேசிய விருது பட இயக்குனரின் படத்தில் நடிக்கவிருக்கும் விஜய் சேதுபதிக்கு ஜோடியாக நடிகை சமந்தா நடிக்க வாய்ப்புள்ளதாக தகவல்கள் வெளியாகியுள்ளன.

கடந்த 2011 ஆம் ஆண்டு விமர்சன ரீதியாக நல்ல வரவேற்பை பெற்று தேசிய விருது வென்ற 'ஆரண்ய காண்டம்' பட இயக்குனர் தியாகராஜன் குமாரராஜா இயக்கத்தில் 'மக்கள் செல்வன்' விஜய் சேதுபதி நடிக்கவிருப்பதாக கடந்த சில நாட்களுக்கு முன்னர் செய்திகள் வெளியாகின.

இப்படத்தில் விஜய் சேதுபதியைத் தொடர்ந்து, மலையாள நடிகர்கள் நிவின் பாலி, ஃபகத் ஃபாசில் ஆகியோர் நடிக்கவிருப்பதாகவும் கூறப்படுகிறது. தற்போது இவர்களுடன் சமந்தாவும் இணைய வாய்ப்புள்ளதாக தெரிகிறது. 'தெறி' படத்தைத் தொடர்ந்து கதைகளை தேர்ந்தெடுத்து ஒப்பந்தமாகி வரும் சமந்தா, இந்த கதாப்பாத்திரம் பிடித்துப்போனதால் சம்மதம் தெரிவித்திருப்பதாக கூறப்படுகிறது.

எனினும், தற்போது ஆரம்பக்கட்ட பணிகளில் இருப்பதால் இப்படம் குறித்த அதிகாரப்பூர்வ தகவல் விரைவில் வெளியாகும் என எதிர்பபர்க்கப்படுகிறது. இதனிடையே, சமந்தா, சிவகார்த்திகேயனுடன் ஒரு படத்திலும், விஷால் நடிக்கும் 'இரும்பு திரை' படத்திலும் நாயகியாக ஒப்பந்தமாகியுள்ளார்.