சமந்தாவின் வயதான தோற்றத்தில் நடிக்கும் தேசிய விருது வென்ற நடிகை

தமிழில் தயாராகும் கொரிய படத்திம் ரீமேக்கில் சமந்தா கதாநாயகியாக நடிக்கவுள்ள நிலையில், அவரது வயதான தோற்றத்தில் பிரபல மூத்த நடிகை ஒருவர் நடிகக்வுள்ளதாக தகவல்கள் வெளிவந்துள்ளன.

கடந்த 2014ம் ஆண்டு தென் கொரியாவில் தயாரிக்கப்பட்டு உலகளவில் வரவேற்பை குவித்த திரைப்படம் ‘மிஸ் கிரானி’. பின்னாளில் இது இந்தோனேஷியா, சீனா, ஜப்பான், தாய்லாந்து உள்ளிட்ட பல மொழிகளில் ரீமேக் செய்யப்பட்டு வசூலை வாரி குவித்தது.

இந்தியாவில் முதலில் தெலுங்கில் ரீமேக் செய்யப்படும் இப்படம், பிறகு தமிழிலும் தயாராகும் என்று தெரிகிறது. கணவனை இழந்த 74 பெண் ஒருவர், போட்டோ ஸ்டுடியோவுக்கு செல்கிறார். அங்கு கிடைக்கும் மந்திர சக்திகள் மூலம் 25 வயது பெண்ணின் தோற்றத்தை பெறுகிறார். இதற்கு பிறகு நடக்கும் சம்பவங்களே ‘மிஸ் கிரானி’ படத்தின் கதை.


பேண்டஸி மற்றும் நகைச்சுவை பின்னணி கொண்ட இந்த படத்தின் இளமை கதாபாத்திரத்தில் சமந்தா நடிக்கவுள்ளதாக அறிவிக்கப்பட்டுள்ளது. மேலும், வயதான பெண் கதாபாத்திரத்திற்கும் சமந்தாவையே படக்குழு தேர்வு செய்திருந்தது.

இதற்காக மேக்-அப் டெஸ்ட் செய்து பார்க்கும் போது, அது அவருக்கு பொருந்தவில்லை. இதனால் படக்குழு வேறொரு நடிகையை நடிக்கவைக்க தேடி வந்தது. இந்நிலையில், சமந்தாவின் வயதான தோற்றத்தில் மூத்த நடிகையும், தமிழ் சினிமாவில் முதல் தேசிய விருது வென்ற நடிகையுமான லக்ஷ்மி நடிப்பார் என தகவல்கள் தெரிவிக்கின்றன.

எனினும், படக்குழு அவரிடம் பேசிய வருவதாகவும். விரைவில் லட்சுமி ‘மிஸ் கிரானி’ தெலுங்கு ரீமேக்கில் நடிப்பது குறித்து அதிகாரப்பூர்வ அறிவிப்பு வெளியிடப்படும் என தகவல்கள் வெளிவந்துள்ளன.