‘உள்ளே வெளியே 2’ படத்தில் ஹீரோவாக நடிக்கும் சமுத்திரக்கனி!

பார்த்திபன் இயக்கவுள்ள ‘உள்ளே வெளியே 2’ படத்தில் நடிகர் சமுத்திரக்கனி ஹீரோவாக நடிக்கவுள்ளார்.

நடிகரும், இயக்குனருமான பார்த்திபன் ‘கோடிட்ட இடங்களை நிரப்புக’ படத்தை அடுத்து தற்போது ‘உள்ளே வெளியே 2’ படத்தை இயக்கவுள்ளார். இந்தப் படம் ஏற்கெனவே பார்த்திபன் ஹீரோவாக நடித்த ‘உள்ளே வெளியே’ படத்தின் இரண்டாம்பாகமாகும். பொதுவாக, பார்த்திபன் இயக்கும் படங்களில் அவரே தான் ஹீரோவாக நடிப்பார். ஆனால் இந்தப் படத்தில் சமுத்திரக்கனியை ஹீரோவாக்கியுள்ளார் பார்த்திபன்.

மேலும் இந்தப் படத்தில் ‘ஆடுகளம்’ கிஷோர், மம்தா மோகன்தாஸ், ரோபோ சங்கர், எம்.எஸ்.பாஸ்கர் உட்பட பலர் நடிக்கின்றனர். படத்தில் முக்கிய வேடத்தில் பார்த்திபன் நடிக்கிறார்.

பார்த்திபன் தற்போது விக்ரமுடன் இணைந்து ‘துருவ நட்சத்திரம்’ படத்தில் முக்கிய வேடத்தில் நடித்து வருகிறார். இந்தப் படத்தை கௌதம் மேனன் இயக்கி வருகிறார்.