தனுஷ் கேரக்டருக்கு இணையாக மூன்று வேடங்களில் நடிக்கும் சமுத்திரக்கனி!

வெற்றிமாறன் இயக்கத்தில் உருவாகி வரும் வடசென்னை திரைப்படத்தில் நடிகர் சமுத்திரக்கனி மூன்று கேரக்டர்களில் நடிக்கிறார்.

விசாரணை படத்திற்கு பிறகு வெற்றிமாறன் இயக்கிவரும் படம் வடசென்னை. இந்தப்படத்திற்கு எல்லோர் மத்தியிலும் பெரும் எதிர்பார்ப்பு நிலவுகிறது. மூன்று பாகங்களாக வடசென்னை வெளிவரும் என்றும் செய்தி வெளியானது. இந்நிலையில் தற்போது படத்தின் படப்பிடிப்பு பாதியில் நிற்கிறது. படம் நின்றதற்கான காரணம் தெரியாவிட்டாலும் படம் முடிந்து எப்போது வெளிவரும் என்று ரசிகர்கள் அனைவரும் ஆவலுடன் காத்திருக்கின்றனர்.

இந்நிலையில் படத்தில் முக்கிய கேரக்டரில் நடிகர் சமுத்திரக்கனி நடிக்கிறார் என்று ஏற்கனவே செய்தி வெளியாகி இருந்தது. நடிகர் தனுஷின் கேரக்டருக்கு இணையாக சமுத்திரக்கனியின் கேரக்டர் வடிவமைக்கப்பட்டுள்ளதாக தகவல் வெளியாகியுள்ளது. அதிலும் மூன்று கேரக்டர்களில் சமுத்திரக்கனி நடிக்க இருப்பதாக தகவல் வெளியாகியுள்ளதை அடுத்து எதிர்பார்ப்பு எகிறிக்கிடக்கிறது.