விஜய் பற்றி தரக்குறைவாக பேசும் மீரா மிதுனுக்கு சனம் ஷெட்டி பதிலடி: வைரல் வீடியோ

பிக் பாஸ் புகழ் மீரா மிதுன் ட்விட்டரில் தற்போது பல சர்ச்சையான கருத்துக்களை தெரிவித்து வருகிறார். குறிப்பாக கோலிவுட்டில் ஒரு மாஃபியா கேங் இருக்கிறது என கூறும் அவர், அதனால் தான் தனக்கு எந்த பட வாய்ப்பு வந்தாலும் அதை அவர்கள் தடுத்து விடுகிறார்கள் என கூறி வருகிறார்.

மேலும் விஜய் மற்றும் சூர்யா பற்றியும் அவர் மிக மோசமாக விமர்சித்து வருகிறார். இதனால் சூர்யா மற்றும் விஜய் ரசிகர்கள் அவரை ட்விட்டரில் வறுத்தெடுத்து வருகிறார்கள். இது பற்றி ட்விட் செய்திருக்கும் மீரா மிதுன் "இதை தான் உங்களது ரசிகர்களுக்கு சொல்லி கொடுத்திருக்கிறீர்களா? நீங்கள் உண்மையிலேயே ஒரு நட்சத்திரத்திற்கு உண்டான நிலையில் தான் இருக்கிறீர்களா விஜய் மற்றும் சூர்யா. இருவரும் cyberbullies கொண்டு ஒரு பெண்ணை மிரட்டுகிறீர்கள், நீங்கள் இதை செய்கிறீர்கள் என்றால் நாளை முதல் உங்களை என சொல்லிக்கொள்ளாதீர்கள், உங்களுக்கு வளையல் மற்றும் சேலை அனுப்புகிறேன்" என குறிப்பிட்டு இருக்கிறார்.

மேலும் "கோலா விளம்பரத்தில் நடித்துவிட்டு அதன் பிறகு தண்ணீர் பிரச்சனை பற்றி பேசுவதற்கு நான் விஜய் அல்ல. நான் எந்த விளம்பரங்களிலும் நடிப்பதில்லை" என மீரா மிதுன் விஜய்யை தாக்கி பேசி இருக்கிறார்.


இந்நிலையில் இப்படி விஜய்யை தரக்குறைவாக விமர்சித்து வரும் மீரா மிதுனுக்கு கண்டனம் தெரிவித்து நடிகை சனம் ஷெட்டி வீடியோ வெளியிட்டு இருக்கிறார். அதில் அவர் கூறி இருப்பதாவது..

"விஜய் சார் பற்றி பேசி இருக்கீங்க மீரா. அவர் nepotism product என சொல்கிறீர்கள். உங்களுக்கு ஒன்று சொல்லிக் கொள்கிறேன். எஸ்.ஏ.சி சார் மூலமாக அவருக்கு சினிமாவில் நுழையும் வாய்ப்பு சுலபமாக கிடைத்திருக்கலாம், ஆனால் அவர் முதல் வெற்றியை பெறுவதற்கு ஐந்து வருடங்கள் தொடர்ந்து கஷ்டப்பட வேண்டி இருந்தது. முதல் படத்திலேயே 'இவர் எல்லாம் ஒரு நடிகரா..' என கூறி நெகட்டிவாக மீடியா உள்ளிட்ட பலரும் பேசினார்கள். ஆனால் அது எதையும் கண்டுகொள்ளாமல், அவர் தொடர்ந்து படம் நடித்து தன்னுடைய திறமை மற்றும் கடின உழைப்பால் அனைவரது மனதையும் கவர்ந்தவர். இப்போ வரைக்கும் அவருக்கு லட்சக்கணக்கான ரசிகர்கள் அவங்களுக்கு இருக்கிறார்கள் என்றால் அதற்கு காரணம் அவரது அர்ப்பணிப்பு மற்றும் படங்களில் அவரது நடிப்பு பர்ப்பாமென்ஸ் தான்."


"இதை பணத்தால் வாங்க முடியாது. அதனால் இதுபோன்ற உண்மையான established நடிகர்கள் பற்றி பேசுவதற்கு முன் ஆயிரம் முறை யோசிக்க வேண்டும். நீங்க ஒரு youtube சேனலில் பேட்டி கொடுத்து, அதனை விஜய் insecure ஆக உணர்ந்து ஆன்லைன் வந்தாங்களா.. செம காமெடி மீரா.. நம்புற மாதிரி எதாவது சொல்லுங்களேன். அவரின் நட்சத்திர அந்தஸ்திற்கு insecure ஆக உணர்ந்து இதை செய்திருக்க மாட்டாங்க, உங்களுக்கு பதில் அளிக்கவும் அவர்கள் இறங்கி வரவும் மாட்டாங்க. இதுக்கு நானே போதும் உங்களுக்கு பதில் சொல்ல. Cyber Bullying, Harassment என சொல்வதை தயவு செய்து நிறுத்துங்கள், இதை நீங்கள் தான் செய்து கொண்டு இருக்கிறீர்கள்."

"இதனால் ஒரு நெகட்டிவ் பப்ளிசிட்டி கிடைக்கும், பிரபலம் ஆகலாம் என நீங்கள் நினைத்தால்.. ஒருவேளை நடக்கலாம்.. நீங்கள் எதிர்பார்த்தது உங்களுக்கு கிடைத்து விட்டது. இதோட நிப்பாட்டுங்க போதும். நடிகர்களின் ரசிகர்கள் மத்தியில் கலவரம் உண்டாக்கி, அதனால் பிரபலம் ஆவேன் என நீங்கள் நினைத்தால், கண்டிப்பாக அது அப்படி போகாது.. வேற மாதிரி தான் போய் முடியும். கேர்புல்லாக இருங்க மீரா. உங்க ட்விட்டர் கணக்கை பார்த்து கொள்ளுங்கள். எல்லோரும் ரிப்போர்ட் செய்து கொண்டு இருக்கிறார்கள். விரைவில் deactivate ஆக போகிறது பார்த்துக்கொள்ளுங்கள்" என சனம் ஷெட்டி குறிப்பிட்டு இருக்கிறார்.