சத்தமே இல்லாமல் திருமணம் செய்து கொண்ட சங்கத்தமிழன் பட இசையமைப்பாளர்!

குலேபகாவலி, மோகினி, வடகறி உள்ளிட்ட படங்களுக்கு இசையமைத்து ரசிகர்களின் கவனத்தை ஈர்த்தவர்கள் விவேக் - மெர்வின். ஆரம்பத்தில் வாய்ப்புக்காக போராடி வந்த இவர்கள் தற்போதைய ட்ரெண்டுக்கு ஏற்றார் போல் இசையமைத்துப் பிரபலமாகினர்.

அதிலும் இன்டிபென்டென்ட்டாக இவர்களது குரலில் வெளியான 'ஒரசாத உசுரத்தான்' என்ற பாடல் பெரிதும் ஹிட் அடித்து செம வைரலானது. அதிலிருந்து விவேக்- மெர்வினுக்கு என்றே ஒரு ரசிகர்கள் பட்டாளம் உருவானது.

இவர்கள் இசையமைத்துள்ள விஜய் சேதுபதியின், சங்கத்தமிழன் படம் வரும் 15ம் தேதி வெளியாகவுள்ளது. அப்படத்தைத் தொடர்ந்து தனுஷ் நடிக்கும் பட்டாஸ் படத்திற்கும் இவர்கள் இசையமைத்து வருகின்றனர்.

பாட்டு பாடி மனைவியிடம் பல்பு வாங்கிய சாந்தனு: வைரல் வீடியோ

இந்த நிலையில் இந்த ஆண்டு தொடக்கத்தில் விவேக் சிவாவுக்கும்- சுஷ்மிதா சுரேஷூக்கும் திருமணம் நிச்சியதார்த்தம் நடைபெற்ற நிலையில் நேற்று இவர்கள் இருவருக்கும் சிறப்பாக திருமணம் முடிந்தது. சுஷ்மிதா பரதநாட்டிய கலைஞர் என்பது குறிப்பிடத்தக்கது.


கோலாகலமாக நடைபெற்ற திருமண நிகழ்வில் இரு வீட்டாரின் குடும்பத்தினர் மற்றும் நெருங்கிய நண்பர்கள் மட்டுமே கலந்து கொண்டதாகக் கூறப்படுகிறது. விவேக் - சுஷ்மிதாவிற்கு ரசிகர்கள், திரைப் பிரபலங்கள் என பலரும் வாழ்த்து தெரிவித்து வருகின்றனர்.

'எனக்கு தந்தை மட்டுமில்லை சிறந்த நண்பரும் கூட': அப்பாவுக்கு பிறந்தநாள் வாழ்த்து தெரிவித்த ஜான்வி

மறுபக்கம் 'என்ன சத்தமே இல்லாமல் திருமணம் செய்து கொண்டீர்கள்?' என்ற முணுமுணுப்புகளும் எழுகிறது.