ஓமங்குமார் இயக்கத்தில் சஞ்சய் தத் நடிக்கும் பூமி!

நடிகர் சஞ்சய் தத், ஓமங்குமார் இயக்கத்தில் ‘பூமி’ என்ற படத்தில் நடிக்கவுள்ளார்.

இயக்குனர் ஓமங் குமார் இயக்கி வெளியான படங்கள் ‘மேரி கோம்’, ‘சரப்ஜித்’. ஓமங் குமார், அடுத்தப்படியாக சஞ்சய் தத்தை வைத்து ஒரு படத்தை இயக்க உள்ளார். இந்தப்படத்திற்கு ‘பூமி’ என்று பெயரிட்டுள்ளனர். இந்தப் படத்தை பூஷண் குமார் மற்றும் சந்தீப் சிங் ஆகியோர் இணைந்து தயாரிக்கிறார்கள்.

இப்படம் குறித்து சஞ்சய் தத் கூறுகையில், ‘’ஒரு நல்ல கதைக்காக வெயிட் பண்ணியிருந்தேன். அப்போதுதான் இயக்குனர் அழுத்தமான, என்னை பாதிக்கக்கூடிய கேரக்டர் சம்பந்தப்பட்ட கதையை கூறினார். இந்த கதையை கேட்டபோது எனக்கு மிகவும் பிடித்திருந்தது. உடனே சம்மதித்தேன். படத்தின் பெயர் ‘பூமி’. இந்தப் படம் ஒரு உணர்வுப்பூர்வமான. அப்பா, மகள் இடையே உள்ள உறவை பிரதிபலிப்பதாகும்’’ என்றார்.

தயாரிப்பாளர் பூஷண் குமார் கூறுகையில், ‘’சஞ்சய் தத் ஒரு பல்துறை வித்தக கலைஞர், இந்தக் கதை அவர் நடித்தால் சிறப்பாக இருக்கும். இந்தப்படத்தை காண மிகவும் ஆர்வமாய் உள்ளேன்’’ என்றார்.
‘பூமி’ படத்தின் படப்பிடிப்பு அடுத்த ஆண்டு பிப்ரவரி மாதம் தொடங்கவுள்ளது.