LEO: 'லியோ' படத்திற்காக வெறித்தனமாக தயாராகும் பிரபலம்: தரமான சம்பவம் இருக்கும் போல.!

விஜய்யின் 'லியோ' படப்பிடிப்பு தற்போது காஷ்மீரில் விறுவிறுப்பாக நடந்து வருகிறது. லோகேஷ் கனகராஜ் இயக்கத்தில் உருவாகி வரும் இந்தப்படத்திற்கு ரசிகர்கள் மத்தியில் எக்கச்சக்க எதிர்பார்ப்பு எழுந்துள்ளது. 'லியோ' படத்தில் பிரபல பாலிவுட் நடிகர் சஞ்சய் தத்தும் நடித்து வருகிறார். இந்நிலையில் இந்தப்படத்திற்காக அவர் வெறித்தனமாக தயாராகும் புகைப்படம் இணையத்தில் வைரலாகி வருகிறது.

விஜய் நடிப்பில் கடந்த மாதம் 'வாரிசு' படம் வெளியானது. வம்சி பைடிபள்ளி இயக்கிய இந்தப்படத்தினை தில் ராஜு தயாரித்தார். விஜய்யுடன் முதன்முறையாக ராஷ்மிகா மந்தனா ஜோடி சேர்ந்த இந்தப்படத்திற்கு தமன் இசையமைத்திருந்தார். இந்தப்படம் ரசிகர்கள் மத்தியில் அமோக வரவேற்பை பெற்றது. 'வாரிசு' படம் தற்போது அமேசான் ப்ரைம் தளத்தில் வெளியாகியுள்ளது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கடந்த ஜனவரியில் வெளியான 'வாரிசு' படத்தில் விஜய்யுடன் ராஷ்மிகா மந்தனா, சரத்குமார், பிரபு, ஜெயசுதா, ஷியாம், சங்கீதா, சம்யுக்தா, யோகி பாபு உள்ளிட்ட நட்சத்திர பட்டாளங்களே நடித்துள்ளனர். மேலும், 'வாரிசு' படம் பாக்ஸ் ஆபிஸில் 250 கோடிக்கு மேல் வசூலித்துள்ளதாக கூறப்படுகிறது. இந்நிலையில் விஜய்யும், லோகேஷ் கனகராஜும் இரண்டாவது முறையாக 'லியோ' படத்தில் இணைந்துள்ளனர்.

'மாஸ்டர்' படத்தின் வெற்றியை தொடர்ந்து தற்போது மீண்டும் இணைந்துள்ளனர். 'தளபதி 67' என அழைக்கப்பட்டு வந்த இந்தப்படத்திற்கு 'லியோ' என டைட்டில் வைத்து புரமோ வீடியோ ஒன்றையும் படக்குழுவினர் வெளியிட்டனர். இந்த வீடியோ சோஷியல் மீடியாவில் இணையத்தில் வைரலானது. இந்நிலையில் சஞ்சய் தத் தற்போது ஜிம்மில் தீவிரமாக உடற்பயிற்சி செய்யும் புகைப்படம் இணையத்தில் வைரலாகி வருகிறது.

Pathu Thala:சிம்புவை இதுல இழுக்காதீங்க: கடுப்பான 'பத்து தல' இயக்குனர்.!

இதனைப்பார்த்த ரசிகர்கள் 'லியோ' படத்திற்காக சஞ்சய் தத் வெறித்தனமாக தயாராகி வருவதாக கமெண்ட் அடித்து வருகின்றனர். விரைவில் இவர் படப்பிடிப்பில் கலந்து கொள்வார் என எதிர்பார்க்கப்படுகிறது. 'லியோ' படப்பிடிப்பு தற்போது காஷ்மீரில் விறுவிறுப்பாக நடந்து வருகிறது. இதற்காக படக்குழுவினர் அங்கு முகாமிட்டுள்ளனர். இந்தப்படம் லோகேஷின் சினிமாட்டிக் யுனிவர்ஸில் உருவாகி வருவதாக கூறப்படுகிறது.

'வாலி' படத்திற்காக எஸ்.ஜே. சூர்யா எழுதிய மாஸ் சீன்: இதை போய் வைக்காம விட்டுட்டாரே..!

'லியோ' படத்தில் விஜய்யுடன் பிரபல பாலிவுட் நடிகர் சஞ்சய் தத், பிரபல இயக்குனர் மிஷ்கின் மற்றும் நடிகை திரிஷா, கெளதம் மேனன், பிரியா ஆனந்த், மேத்யூதாமஸ், அர்ஜுன், மன்சூர் அலிகான், சாண்டி உள்ளிட்ட நட்சத்திர பட்டாளங்களே நடித்து வருகின்றனர்.செவன் ஸ்கீரின் ஸ்டுடியோ பிரம்மாண்டமாக தயாரிக்கும் இந்தப்படத்திற்கு அனிருத் இசையமைப்பது குறிப்பிடத்தக்கது.