பிரசாந்தின் ஜோடியாகும் சஞ்சிதா ஷெட்டி!

நடிகர் பிரசாந்த் நடிக்கவுள்ள ஒரு புதிய படத்தின் ஜோடியாக நடிகை சஞ்சிதா ஷெட்டி நடிக்கவுள்ளார்.

நடிகர் பிரசாந்த் ‘வைகாசி பொறந்தாச்சு’ படம் மூலம் நாயகனாக அறிமுகமானார். பின்னர் தொடர்ச்சியாக பல படங்களில் நடித்தார். பல வெற்றிப் படங்களையும் கொடுத்துள்ளார். ஷங்கர் இயக்கத்தில் உருவான ‘ஜீன்ஸ்’ படம் மாபெரும் வெற்றிப் பெற்றது. இப்படி தொடர் வெற்றிகளை கொடுத்துவந்த பிரசாந்த்தின் சொந்த வாழ்க்கையில் திடீரென ஏற்பட்ட சில சறுக்கல்களால் கடந்த சில வருடங்களாகவே பட வாய்ப்புகள் இன்றி வீட்டில் சும்மாவாகவே இருந்தார்.

இந்த நிலையில் பிரசாந்த் நடிக்கவிருக்கும் புதிய படத்தின் அறிவிப்பு ஒன்று தற்போது வெளியாகியுள்ளது. இந்தியில் வெளியாகி வெற்றி பெற்ற ‘ஜானி கட்டார்’ என்ற படத்தை தமிழில் ரீமேக் செய்யவுள்ளனர். இந்த தமிழ் ரீமேக்கில் நடிகர் பிரசாந்த் நாயகனாக நடிக்கவுள்ளார். படத்தில் அவருக்கு ஜோடியாக நடிகை சஞ்சிதா ஷெட்டி நடிக்கவுள்ளார்.

படத்தை ஜீவாசங்கரின் உதவியாளர் வெற்றிசெல்வன் இயக்கவுள்ளார். படத்தை பிரசாந்த்தின் தந்தையும், நடிகரும், தயாரிப்பாளருமான தியாகராஜன் தயாரிக்கவுள்ளார். இந்த படத்தின் படப்பிடிப்பு மிக விரைவில் தொடங்கவுள்ளது.