கேமியோ ரோலில் சந்தானம்..!

"எனக்கு வாய்த்த அடிமைகள்" திரைப்படத்தில் நடிகர் சந்தானம் கேமியோ ரோலில் நடித்துள்ளதாக தகவல்கள் வெளியாகியுள்ளன.

தமிழ் சினிமாவின் முன்னணி காமெடி நடிகராக இருந்த சந்தானம்,திடீரென காமெடி வேடங்களில் நடிப்பதை விட்டுவிட்டு ஹீரோவாக மட்டும் நடிக்கத் துவங்கினார்.அவரின் முயற்சிக்கு ஏற்றார்போல், அவர் நடித்த படங்கள் தயாரிப்பாளருக்கு நல்ல லாபத்தை பெற்றுத் தந்தன.

இதன் காரணமாக காமெடி நடிகராக நடிக்க வந்த வாய்ப்புகளை அவர் தொடர்ந்து தவிர்த்து வந்தார்.மேலும் நட்புரீதியில் கேமியோ வேடங்களிலும் அவர் நடிப்பதை தவிர்த்தார்.இந்நிலையில் ஜெய் கதாநாயகனாக நடித்துள்ள “எனக்கு வாய்த்த அடிமைகள்” படத்தில் சந்தானம் கேமியோ ரோலில் நடித்திருப்பதாக தகவல் வெளியாகியுள்ளன.ஆனால் அவர் என்ன வேடத்தில் அந்த படத்தில் நடித்துள்ளார் என்பது குறித்த தகவல்கள் வெளியாகவில்லை.

வரும் ஜனவரி மாதம் வெளியாக உள்ள எனக்கு வாய்த்த அடிமைகள் படத்தில் சந்தானத்தின் நடிப்பை பார்க்க அவரது ரசிகர்கள் ஆர்வத்தோடு காத்திருக்கின்றனர்.

Santhanam acted in cameo rome in Enakku Vaaitha Adimaigal film