மெர்சலில் ஒரு சிறப்பு தோற்றம்!

நடிகர் சந்தானம் ‘மெர்சல்’ படத்தில் மீண்டும் விஜய்யுடன் இணைந்து நடிக்கவுள்ளார்.

அட்லி இயக்கத்தில் விஜய் நடிப்பில் உருவாகி வரும் ‘மெர்சல்’ படத்தில் நடிகர் சந்தானம் சிறப்பு தோற்றத்தில் நடிப்பதாக கூறப்படுகிறது. படத்தை ஸ்ரீ தேனாண்டாள் பிலிம்ஸ் நிறுவனம் தயாரித்து வருகிறது. இந்த நிறுவனம் தயாரிக்கும் 100-வது படம் இது.

இந்தப் படத்தில் விஜய் முதல்முறையாக மூன்று வேடங்களில் நடித்து வருகிறார். ஏ.ஆர்.ரகுமான் இசையில் பாடல்கள் வெளியாகி நல்ல வரவேற்பை பெற்றிருக்கிறது. விஜய்க்கு வில்லனாக எஸ்.ஜே.சூர்யா நடித்துள்ளார். இப்படத்தில் விஜய் ஜோடியாக காஜல் அகர்வால், சமந்தா, நித்யா மேனன் ஆகிய மூவரும் நடிக்கின்றனர். இவர்களுடன் சத்யராஜ், வடிவேலு, சத்யன், கோவை சரளா, சுனில், மிஷா கோஷல், யோகி பாபு, ஹரீஷ் பேரடி, மொட்டை ராஜேந்திரன், சீனு மோகன், சண்முக சிங்காரம் என ஒரு நட்சத்திர பட்டாளமே படத்தில் நடித்து வருகிறது.

இந்நிலையில், காமெடி நடிகராக அறிமுகமாகி, தற்போது கதா நாயகனாக நடித்து வருபவர் நடிகர் சந்தானம். இந்தப் படத்தில் சந்தானம் சிறப்பு தோற்றத்தில் நடிப்பதாக கூறப்படுகிறது. படத்தை இந்தாண்டு தீபாவளிக்கு வெளியிட முடிவு செய்துள்ளனர்.